Maxaad Ka taqaanaa 10-ka cayaarood ee kubadda Cagta Talyaaniga ay ka sheegteen Garsoorka

06.03.2010, deeyoo.com.

wadanka Talyaaniga Talyaaniga ayaa waxa uu caan ku yahay marka laga adkaado xulkiisa ama Naadiyadiisa in uu ka sheegto cadaalad darro dhanka Garsoorka ah.
 
hadaba qormadaan waxaan ku soo qaadanaynaa 10-ka mid ah cayaarihii ay ka sheegteen Reer Talyaani hadii ay ahaan lahayd mid xul ama Naadi Talyaani ah.
 
1) ITALY v South Korea 2002 – Byron Moreno
 
ciyaarihii lagu qabtay dalalka K/Korea iyo Japan sanadkii 2002 koobkii adduunka ayaa wadanka Talyaaniga wuxuu ku soo haray wareega 2-aad ama 16-ka waxaana kasoo reebay mid kamid ah dalalkii marti galinayay koobkaas waana K/Korea oo ku soo reebay dalka Talyaaniga Rigooge ama gool ku laad waqtiga dahabiga (Golden Goal) ama gool dahabi ah waxaana dalka Talyaaniga ay sheegeen in garsooraha uu cadaalad daro ku sameeyay gacanka Talyaaniga oo rigooraha uu si qaldan kaga dhigay.
 
Hadaba waa kuma garsooraha dhex dhexaadinayay kulankaas?
 
waxaa lagu magacaabaa Byron Moreno waxaa uu u dhashay wadanka Ecuador waxaa uu ku adkaystay garsoorahaan in calaamadii uu siiyay Totti iyo rigooraha in dhamaan go'aankaas uu qaatay uu ahaa mid sax ah iyadoo rigooraha uu dhigay kadib markii daafaca wadanka Talyaaniga Christian Panucci uu qalad ku galay gudaha Barta ganaaxa waxaana rigoorahaas si wanaagsan shaqabaqa uu ku jirey gool haye Buffon dhex dhigay weeraryahankii hore ee kooxda Perugia Ahn Jung-Hwan.
 
dalka Talyaaniga ayaa sidoo kale ka cawday isla koobkii adduuunka ee 2002 cayaarihii guruubka waxayna ka sheegteen garsoorka in uu ka diiday goolal kulamado ay Croatia and Mexico la cayaareen.

2) Bayern Munich v FIORENTINA – Tom Henning Ovrebo
 
Cawashada kuma koobna oo kaliya xulka wadanka Talyaaniga sidoo kale Taagerayaasha reer Talyaani ee kooxda Fiorantino ayaa waxay ka cawdeen kulankii dhexmaray kooxdooda iyo naadiga weyn ee wadanka Jarmalka ee Bayern Munich kaasi oo ka tirsanaa wareega 6-ka ee koobka horyaalada Yurub waxaana looga adkaaday 2-1 iyadoo ay sheegeen in garsooraha uu ku fasaxay kubad Offside ah taasi oo uu ka dhaliyay Klose.
 
kulankaan waxaa dhex dhexaadinayay garsooraha lagu magacaabo Tom Henning Ovrebo waxaa uu u dhashay dalka Norwey waxaana uu yahay garsoore ay ka sheegteen Tifoosayaasha kubadda cagta Talyaaniga iyagoo sheegay in uu ku si qalad ah calaamad uu ku siiyay xidiga naadiga Viola ee Massimo Gobbi.
 
3) ITALY v Romania 2008 – Tom Henning Ovrebo
 
Garsooraha lagu magacaabo Tom Henning Ovrebo oo u dhashay wadanka Norwey ahna garsoorihii aan ku soo xusnay in uu dhex dhexaadiyay kulankii bishii lasoo dhaafay ee Febrayo dhexmaray Fioratino iyo Bayern Munich ayaa waxaa uu dhex dhexaadiyay kulankaan waana mid ay sidoo kale ka cawdeen reer Talyaani.
 
kulankaan ayaa waxaa uu dhexmaray dalka Talyaaniga iyo Romania Euro 2008. waxaa Talyaaniga uu ku sigtay in uu ka haro tartankaan.
 
Dalka Talyaaniga ayaa ku sigtay kulankaan in uu ka haro kadib markii gool Rigoore oo muran dhalisay uu dhigay Garsoorahaan reer Norwey ah ee lagu magacaabo Tom Henning Ovrebo Laakin rigoorahaas waxaa bad baadiyay gool hayaha dahabiga ee reer Talyaani Gianluigi Buffon kaasi oo ka qabtay weeraryahankii hore ee kooxda Parma Adrian Mutu taasi oo hadii laga dhalin lahaa Talyaaniga ka hari lahaa koobka Euro2008.
 

4) Liverpool v INTER 2008 – Frank De Bleeckere & Tom Henning Ovrebo
 
Kulamadii dhexmaray kooxaha Liverpool iyo Inter ee koobka horyaalada Yurub xili ciyaareedkii 2007/2008 ay si weyn ugu cawdeen garsoorka labadii kulan ee Liverpool ka badisay Inter Milan.
 
kulamadaas mid kamid ah waxaa uu garsoorihii dhex dhexaadinayay Frank De Bleeckere uu ka saaray daafaca wadanka Talyaaniga iyo naadiga Inter Marco Materazzi kadibna waxaa uu bixiyay labo calaamadood oo jaalo ah kuwaas oo lagu sheegay in ay ahaayeen jaalayaashii ugu fududaa ee ebed ay arkaan taageerayaasha kubadda cagta.
 
Kooxda Inter ka saaridii garoonka laga saaray Marco Materazzi waxay ku qasabtay in ay ku cayaarto 10 xidig saddex meelood labo meel oo kamid ah waxaana ka dhashayday labo gool oo ay ka kala dhaliyeen Dirk Kuyt iyo Kabtan Steven Gerrard.
 
markii la isugu sooo laabtay cayaartii 2-aad ee koobka horyaalada yurub guri ka guri ee dhexmaraytay naadiyadaan ka kala dhisa dalalka Ingiriiska iyo Talyaaniga ayaa waxaa dhacday in Inter looga adkaaday 1-0 waxaana kulankan 2-aad ay ka sheegteen garsoorka waxaana dhex dhexaadinayay Tom Henning Ovrebo oo u dhashay wadanka Norwey waana garsoore ay ku sheegeen taageerayasha Talyaaniga mid ku sameeya cadaalad daro iyagoo marka ay arkaan in ciyaar Talyaani uu dhex dhexaadinaayo ay iyaga ka quustaan kulankaas.
5) ROMA v Arsenal 2009 – Manuel Mejuto Gonzalez
 
kulankaan reer Talyaani waxay ka sheeganayaan mar kale garsoorka waxaana kulankaan uu dhex maray kooxaha Roma iyo Arsenal oo ka tirsanayd koobka horyaalada Yurub wareegiisa 16-ka waxaana ay ka dhacday garoonka Stadio Olimpico iyadoo lugtii 1-aad ay 1-0 Arsenal kusoo badisay garoonkeeda Emirates waxaana dhex dhexaadinayay garsoorahaan lagu magacaabo Manuel Mejuto Gonzalez isagoo diiday in uu dhigo qalad uu galay Gael Clichy waxaana 99% garsoorayaashii daawaday kulankaas ay isku raaceen in uu ahaa rigoore laakin Manuel Mejuto Gonzalez uu diiday.
 
6) MILAN v Liverpool 2005 – Manuel Mejuto Gonzalez
 
Garsoorahaan Manuel Mejuto Gonzalez waxaa uu dhashay wadanka Spain waxaa uu dhex dhexaadiyay ilaa 37 kulan oo koobka horyaalada Yurub ah waxana kamid ah kulankaan.
 
kulankaan ayaa Ac Milan ay ku hogaaminaysay 3-0 qeybtii hore ee cayaarta waxana ay ahad Final waxaa markii la isugu soo laabtay cayaarta qeybteeda dambe uu rigoore u dhigay Liberpool taasi oo lagu galay Gerard kabrnka Liverpool kadib isagoo xawaaro xoogan ku socday uu gadaal ama ciribta uu ka taabtay Gattuso kadibna garsooraha uu u dhigay rigooore aysan jeclaysanin taageerayaasha Ac Milan waxayna ciyaarta maraysay 3-2 oo ay Milan ku hogaaminaysay waxaana Liverpool u dhaliyay Xabi Alonso kana dhigtay cayaarta 3-3 waxaana looga badiyay Milan Rigoorayaal.

7) Liverpool v JUVENTUS 2005 - Frank De Bleeckere
 
Garsoorayaasha ay inta badan ka cawdaan dalka Talyaaniga ayaa waxaa ay yihiin kuwo inta badan dhex dhexaadiyay cayaaraha muranka dhaliyay ee xulka ama Naadiyada Talyaaniga ay cayaareen waxaana kulankaan uu dhexmaray Liverpool iyo Juventus waxayna ahayd wareega 8-da ee koobka horyaalada Yurub sanadkii 2005 waxaana ay Liverpool ku badisay 2-1 isku cel celis labadii lug.
 
Juventus ayaa waxay ku andacootay in gool ay iyaga u arkeen mid sax ah in laga diiday kadib Del Piero uu dhaliyay Offside ah.

8) Lyon v FIORENTINA 2008 – Peter Frojdfeldt
 
Kulankaan waxaa uu dhexmaray Lyone iyo Fiortantino waxaana uu uu ka dhacay garoonka kooxda Lyone ee Stade Gerlad waxaaana ay Viola ku hogaaminaysay cayaarta 2-0 waxaana ka harsanayd 17 daqiiqo cayaarta oo dhan waxaaana dhacday in la soo bar bareeyay oo laga dhigay cayaarta 2-2.
 
9) Netherlands v ITALY 2008 – Peter Frojdfeldt
 
kulankaan waxaa uu ahaa furitaanka guruubka waxaana uu dhexmaray Talyaaniga iyo Holland waxaana wadanka Talyaaniga looga badiyay 3-0 waxana kamid ahaa gool muran dhaliyay kaasi oo Talyaaniga ay ku tilmaameen in uu ahaa Offside laakin gudiga garsoorka Uefa ay sheegeen in uusan ahayn Offside laakin cayaar gal ay ahad kubadda waxaana ay sabab kaga dhigeen iyadoo Christian Panucci, oo dhaawacan uu ka dambeeyay oo uu ka jiray dhanka goosha waxaana Christian Panucci, uu ahaa mid dhaawac fudud uu soo gaaray Fifana ay sheegtay in uu yahay xidigaas mid shaqaynaya oo wali ka mid ah xidigaha ku jira garooonka.
 
kulankaan waxaa dhex dhexaadinayay garsooraha u dhashay wadanka Sweden ee lagu magacaabo Peter Frojdfeldt
 
10) LAZIO v Dinamo Bucharest 2007 – Tom Henning Ovrebo
kulankaan waxaa uu dhexmaray kooxaha LAZIO iyo Dinamo Bucharest waxa ay cayaarayeen koobka horyaalada Yurub.
 
cayaartaan waxaa ka dhacday cadaalad daro intee rabto ha la ekaato kadib markii kooxda Lazzio laha saaray xidig ka tirsan naadigana laga diiday fursado ay gool ku dhalin kareen labo jaalo oo aanan xidiga garoonka laga saarin uu sameeyay garsoore Tom Henning Ovrebo oo ilaa afar kulan la sheegay in uu si aanan cadaalad ahayn uu u qabtay cayaaraha.
 
Garsoore Tom Henning Ovrebo ayaanan wax calaamad ah aanan siinin xidiga kooxda Dinamo Bucharest ee Valentin Nastase kaasi oo si ula kac ah u xusuleeyay ama u suxuleeyay xidiga kooxda Lazzio Emilson Cribari kaasi oo muddo labo bil ah ku maqnaa dhaawacaas waxana halkaas ku haray Lazio oo garoonkeeda bar baro 1-1 ah la gashay iyadoo lugtii hore laga badiya Lazio.
 

Axmed Mooge
Xafiiska Deeyoo Muqdisho
axmed_mooge@hotmail.com
002521-5140242

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com