|
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
100 maalmood oo ka dhiman furitaanka
koobka aduunka iyo heesta astaanta Wavin’ flag ee fanaanka
Soomaaliyeed K`naan 02.03.2010, deeyoo.com. Waxaa ka dhiman 100 maalmood furitaanka tartanka xiisaha badan ee koobka aduunka oo bartamaha sanadkan lagu qaban doono markii ugu horeysay qaarada Afrika. Xaflad lagu bilaabayey tirinta maalmaha ka harsan koobka aduunka oo maanta ka dhacday magaalada Durban ee dalka Koofur Afrika ayuu gudoomiyaha FIFA Sepp Blatter muujiyey sida uu ugu qanacsan yahay diyaar garowga ay sameysay Koofur Afrika isagoo saxaafada u cadeeyey in wax kasta ay u socdaan sidii loogu tala galay. Sepp Blatter ayaa dhowaan sheegay in 8 ka mid ah 10ka garoon ee lagu cayaari doono kulamada koobka aduunka uu si aad ah ula dhacay inkastoo labo ka mid ah aysan weli soo dhameystirmin oo uu naash naash ka dhiman yahay ka hor furitaanka koobka aduunka. Blatter ayaa dhaliilay qaar ka mid ah saxaafada oo uu sheegay in mararka qaar ay shaki geliyaan habsami u qabsoomida koobka aduunka shakigaas oo keena kara iney lunto qeyb ka mid ah xiisihii loo hayey koobka aduunka. - Mararka qaar weyna murjineysaa shaki kasta oo la geliyo habsami u qabsoomida tartankan aniga iyo FIFAba waxaase idiin sheegayaa inuusan jirin wax haba yaraatee shaki ah ayuu blatter 3 jeer ku celceliyey isagoo dhex taagan garoonka DURBAN kana muuqatay farxad iyo kalsooni dheeraad ah. - Aan gacmaha is qabsano dhamaanteen si aan u qaban qaabino koobka aduunka markaasna iska wareysano sidii uu u dhacay dhamaadka bisha Luulyo ayuu ku booriyey guud ahaan intii kasoo qeyb gashay xafladii lagu xusaayey 100ka malmood ee ka dhiman furitaanka koobka aduunka. Xafladaan waxaa lagu soo bandhigay barnaamijyo heeso iyo maawaalo isugu jiray. Koobka aduunka wuxuu bilaabmayaa 11ka bisha Juunyo ee sanadkan waxaana xusuus mudan in fanaanka weyn ee Soomaaliyeed Keynaan Cabdi Warsame ka qaadayo furitaanka heesta astaanta koobka aduunka ee Wavin’ flag.
Asad A. Omar "afey" deeyoo_edit@hotmail.com
|
|
|||||||||||||||||||||||||||||||||||||||||||||||||
|
©2009 www.deeyoo.com |
|||||||||||||||||||||||||||||||||||||||||||||||||||
