Bellamy oo sheegay ineysan filanwaa aheyn fadeexadii gogol dhaafka ee Terry iyo John Terry oo u jawaabay

Terry oo hawada salaamaya

02.03.2010, deeyoo.com.

Kabtanka kooxda Chelsea John Terry ayaa markii ugu horeysay saxaafada la hadlay tan iyo fadeexadii gogol dhaafka ee uu kuwaayey saaxiibkiisii qaaliga ahaa iyo kabtanimada qaranka Ingiriiska.

John Terry oo aan hadalkiisa la maqlin tan iyo markii ay soo shaac baxday inuu la saaxiibay isla markaana uureeyey jaceylkii hore ee Weyne Bridge Vanessa Perroncel oo wiil 4 jir ah isku dhalay ka hor intii aysan kala tegin.

- Dhagax ma tuuro nin degen guri muraayad ka sameysan ayuu Terry hadal gaaban ugu jawaabay eedeyntii Bellamy sida uu ay soo warisay wakaalada wararka Ingiriiska PA.

Terry ayaa u jawaabay hadal uu Sky Sports siiyey xidiga ay isku kooxda yihiin Weyne Bridge waa Bellamy oo kulankii ay Man.City 4-2 kaga adkaadeen Chelsea ka dib sheegay in shakhsiyada Terry uu si aad ah u yaqaan isla markaana aysan filanwaa ku noqon waxa uu ku kacay Terry.

- Waxaan u maleynayaa in cayaaryahanada oo dhan ogyihiin sida ay tahay shakhsiyada John Terry marka uusan garoonka ku jirin hase yeeshee marka uu cayaarayo waa hogaamiye iyo laacib weyn ayuu sii raaciyey Bellamy mar wax laga weydiiyey xaalada Terry.

Jawaabta Terry ayaa u muuqata in Bellamy laftiisa uusan aheyn nin nadiif ah isagoo boga hore ee wargeysyada Ingiriiska marar badan lagu arkay.

Weyne Bridge ayaa diiday ka hor bilowgii cayaarta inuu gacan qaado saaxiibkiis hore Terry oo markii uu gacan usoo taagay kasii jeestay siina waday inuu gacan qaado xidigaha kale ee Chelsea oo intooda badan waqti badan isla soo qaateen xiligii uu u ciyaari jiray Chelsea.

John Terry oo ah xaasle laba caruur ah leh ayaa maalmihii ugu dambeeyey waxaa badatay hadal heynta gogol dhaafkii uu ku kacay taasoo sababtay in Weyne Bridge uu ku dhawaaqo inuusan ka dhinac cayaari doonin Terry sidaasna uu ku diiday inuu ka mid noqdo xidigaha Ingiriiska u matalaya koobka aduunka.

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com