Ronaldinho oo ku baashaalay Siena, Inter oo la hakiyey iyo Juve oo mar kale laga adkaaday

17.01..2010, deeyoo.com.

Cayaaryahan Ronaldinho oo mar ahaa xidiga ugu wanaagsan aduunka ayaa u muuqda inuu dib ugu soo laabtay farsamadii,goolashii iyo cayaar wanaagii lagu yiqiin isagoo 3 gool u dhaliyey kulankii maanta ay kooxdiisa Milan 4-0 ku garaaceen Siena.

Ronaldinho ayaa gool rigoore ah dhaliyey daqiiqadii 12aad ee qeybtii hore isagoo labo gool oo kale kala dhaliyey daqiiqadihii 72, iyo 89aad halka goolka 4aad ee Milan uu shabaqa la helay cayaaryahan Marco Borriello.

Milan waxey hada 6 dhibcood ka hooseysaa kooxda hogaanka heysa ee Inter iyagoo hal cayaar oo dheeri ah heysta oo hadii ay badiyaan usoo jirsanaya 3 dhibcood oo keliya.

Inter waxey kulankii shalay bareejo 2-2 ku kala bexeen kooxda Bari halka kooxda Roma ay soo gashay kaalinta 3aad markii ay 3-0 ku duugeen kooxda Genoa Luca Toni ayaa dhaliyey labo ka mid ah goolasha Roma oo uu sanadkan kusoo biiray ka dib markii ay iska soo fasaxday Bayern Munich, Roma waxey 3aad kala wareegeen kooxda maalmahaan ay ka jajabantahay ee Juventus oo mar kale fara marnaan garoonka ka baxday markii ay Chievo 1-0 ku dhufatay.

Guuldaradan ay kala kulmeen Chievo waa tii 4aad 5tii kulan ee ugu dambeysay horyaalka Talyaaniga oo waa hore ka niyad jabeen  hanashadiisa iyagoo hore uga haray tartanka weyn ee Champions League.

Waxaa macquul ah in saacad kasta la fisho inuu shaqadiisa weyn doono tababare Ciro Ferrara oo culeys weyn uu saaran yahay.

Bari vs Inter 2 - 2.

Roma vs Genoa 3 - 0.

Kulamadii Todobaadkan:

Kala horeynta kooxaha:

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com