|
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
Barcelona oo ku tumatay Sevilla, Real oo
laga naxsaday 17.01..2010, deeyoo.com. Cayaaryahanka sanadka aduunka Lionel Messi aya dhaliyey labo ka mid ah goolasha ay kooxdiisa kaga badisey Sevilla oo ay 4-0 ku garaaceen taasoo u suura gelisay iney 5 dhibcood ka kormaraan kooxda ay sida weyn u xafiiltamaan Real Madrid oo 1-0 lagaga adkaaday kulankii ay la yeesheen A. Bilbao. Xidigaha Barcelona wey ku guuldareysteen iney wax gool ah ka dhaliyaan Sevilla qeybtii hore ee cayaarta hase yeeshee markii dib la isugu soo noqdey ayey gool iska dhaliyeen Sevilla waxaana gool labaad u dba dhigay Pedro iyadoo ugu dambeyntiina uu Messi labo gool is raacsaday natiijadii cayaartana ka dhigay 4-0. Barcelona oo todobaadkii hore ka hartay koobka koobabka Spain ayey guushaan u aheyd aargoosi maadaama ay Sevilla aheyd kooxdii ka reebtay koobka koobabka isla markaana hor istaagtay ineysan sanadkan isku darsan koobabkii ay ku guuleysteen sanadkii hore. Messi oo labadii kulan ee ugu dambeysay dhaliyey 5 gool waxa uu hada keli ku yahay tartanka gooldhalinta oo uu ku hogaaminayo 14 gool isagoo labo gool dheer cayaaryahan David Villa oo 12 gool dhaliyey. Bilbao ayaa bilowgii cayaarta gool kaga naxsatay xidigigaha Real markii uu cayaaryahan Fernando Llorente shabaqa la helay daqiiqadii 3aad ee cayaarta inkastoo xidigaha Real ay weeraro joogto ah ku hayeen goolka Sevilla iyadoo fursado aad u wanaagsana ay heleen Ronaldo, Kaka iyo Benzema ayaa midkoodna u suura gelin iney helaan goolkii bareejada.
Asad A. Omar "afey" deeyoo_edit@hotmail.com
|
|
|||||||||||||||||||||||||||||||||||||||||||||||||
|
©2009 www.deeyoo.com |
|||||||||||||||||||||||||||||||||||||||||||||||||||
