Maxaa dhici lahaa haddii isku koox laga dhigi lahaa ciyaartoyda aan idiin soo xulnay.

16.01..2010, deeyoo.com.

Waxaan halkan idinkuugu soo ururinay warbixin kooban oo aan uga hadleyno sida ay noqon lahayd haddii ay koox ka wada ciyaari lahaayeen laba kamid ah xiddigahaii soo maray kubadda cagta, warbixintan oo dhinacya badan ka eegeysa sida gool dhaliyayaashii, xirfadlayaashii, difaacyadii, qamarjiyaashi IWM.

1. Pele iyo Maradona.

Labadan ciyaariyahan oo lagu sheego in yihiin kuwa ugu qatarsan ee soo maray kubadda cagta, maxaa dhici lahaa haddii ay isku koox ka wada ciyaari lahaayeen, goolhayeyaal iyo difaacyo badan ayaa qeylo dhaan u dirsan lahaa Fifa si ay wax uga badasho sharciga kubadda cagta si loo kala qaado labadan nin.

2. Eric Cantona iyo Jorge Best.

Waa labada xiddig ee ugu sareeya inti soo martay kooxda weyn ee Manchester Utd, waxaa la hubaa haddii ay isku xilli soo gaari lahaayeen, in kooxdooda manchester ay buuxin lahayd koobab iyo bilado Yurub iyo adduunkaba ah, labadan oo isku darsaday farsamo iyo gool dhalin.

3. Andoni Goikoetxea iyo Claudio Gentile.

Labadan ciyaariyahan waxaa loo kala yaqiin qalaagii Bilbao iyo qamarjigii Juventus, iyaga oo ciyaari jiray dhamaadki 70's iyo 80's waxa ay ku caan bexeen isbiirid, xaasidnimo, xanaaq iyo tan ugu daran oo ahayd inta ay kubadda laadaan waxaa ka badneynd inta ay lugaha ciyaartoyda kale laadaan, marka bal maxaa dhici lahaa haddii ay isku koox dhexda uga ciyaari lahaayeen, tan ugu yaabka badan ayaa ah in Gentile waligiis loo taagin calaamadda cas.

4. Bryan Robson iyo Steven Gerrard.

Waxa ay ka wada ciyaaraan qadka dhexe, waxa ayna ordaan gool ilaa iyo gool, gool dhalintooduna waa heybad, iyaga oo kabtan u kala noqday labada koox ee ugu caansan Ingiriiska Manchester Utd iyo Liverpool, dadka qaarkii ayaa faraha qaniina oo yiraahda haddii ay isku xilli qaranka Ingiriiska u ciyaari lahaayeen waxa ay qaadi lahaayeen koobka aduunka oo ay ugu danbeysay 1966kii.

5. Johan Cruyff iyo Dennis Bergkamp.

Dalka Holland oo an waligiis ku guuleysan koobka aduunka, waxaa u fududaan lahayd haddii ay isku heli lahaayeen labadaan mucjiso oo ku caan baxay farsamo kubadeed tan ugu sareysa iyo dhabarjabinta difaacyada kasoo horjeeda iyo weliba iyagoo kusii darsaday gool dhalin midba kan kale kasii qurxoonyahay.

6. Alan Shearer iyo Gabriel Batistuta.

Waxaa nagu filan wacdarihii ay ka dhigeen garoomada Ingiriiska iyo Talyaaniga, waxaana lagu sheegaa in kamid yihiin amaba yihiin kuwii ugu qatarsanaa ee dunida soo mara marka la fiiriyo (Target ama Box Player) xeyndaabka goosha. bal ka waramo hadii ay kooxdaadu isku haysan lahayd labadan ciyaariyahan, meeqa gool ayey sanadkii kuu dhalin lahaayeen.

7. Marco van Basten og Gerd Müller.

Halkana waxaan ku haynaa laba weeraryahan kale oo dhinac ordaya labadii ka horeysay, balse labadan ayaa lagu sheegaa in ay yihiin gool dhaliyayaashii ugu qatarsanaa ee kubadda cagta aduunka soo marta Milan iyo Bayern Munich, Holland iyo Jarmalka intaba waa yaraaneysaa in ay helaan ama soo maraan gool dhaliyayaal noocooda oo kale ah, haddii la wareysto tababare kasta oo dunida jooga bal haddii ama lacala la isugu dari labadan xiddig kooxdooda, waxaa nagu wada fiicnaan lahayd in aan dhageysano jawaabtii ay wada bixin lahayeen iyo haddiba ay jirto cid kale oo ay ka door bidi lahaayeen. uma maleynayo in ay dhici lahayd.

Waxaa idiin soo diyaariyay.

Mohamed A O (Deeq)

deeyoo_admin@hotmail.com

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com