Kooxda Manchester Utd ayaa waxaa ay doonaysaa in ay xulkeeda ka qubto xidigo badan oo uu kamid yahay Dimitri Berbatov kaasi oo la sheegay in kooxda iib uu ka yahay.

sida ay qortay jariirada Sunday Mirror ayaa sheegaya in qorshahaan lagu iibinayo xidigaha qaar halka qaarka kale laga fasaxaayo Naadiga uu ku jiro daafaca Faawulada badan ee Vidic.

kooxda Manchester ayaa waxaa lagu soo waramayaa in ay lasoo daristay dhaqaalo dari waxaana xidigahaan ay iibinayso ay ka heleysaa lacago dhan 80 milyan oo gii waxaana kamid ah xidigahaas Anderson, Nani, Zoran Tosic iyo xidiga aan saldhiganin ee ka cayaara daafaca dhexe Nemanja Vidic.

Tababaraha kooxda Manchester utd Fergusen ayaa sheegay in xidigaan uusan qabanin shaqadii laga doonayay isagoo lagu soo iibiyay 30.75 Milyan oo gini waxaana uu soo bandhigay cayaaro aan wanaagsaneyn.

waxaa kaloo Man Utd ay doonaysaa in xulkeeda ka saarto xidigo kale oo ay kamid yihiin Anderson, Nani Zoran Tosic iyo Nimanje Vidig.

haddii qorshahaan uu hirgilo ayaa waxaa uu noqonayaa kii ugu horeeyay ee Manchester ay sameyso tan iyo sanadkii 1995 markaas uu Fergusen kooxda ka ceyriyay xidigo ay kamid ahaayeen Paul Ince, Andrei Kanchelskis, iyo Tababarihii laga ceyriyay xilka Manchester City ee Mark Hughes waxaana uu kooxda keenay jiil cusub oo ay kamid ahaayeen David Beckham, Paul Scholes, Nicky Butt iyo xidigaha walaalaha ah ee G.Neville iyo Ph. Neville.

Tababarahaan ayaa waxaa uu aamin sanyahay in ugu dambeyn uu heli karo xidiga mudada dheer bartilmaameedka u ahaa ee Karim Benzeme.waxaana u suura galin kara iyadoo xidigaan reer Faranse uu la qabsan la'yahay kooxda Real Madrid.tan iyo markii 30 Milyan ay ugu soo iibsatay kooxda Lyone.

Fergusen ayaa waxaa uu doonayaa ugu horeyntii in uu iska iibiyo Berbatov si uu lacago kaash ah u hello waxaaha uu noqda xidigii ugu qaalisanaa ee kooxda Manchester ay ku fashilantay taariikhda isagoo ay 30.75 Milyan ugu soo qaadatay Tottenham.

xidigaan wadanka Bulgaria u dhashay Berbatov ayaa waxaa uu u dhaliyay 20 gool 66 kulan uu u saftay kooxda Utd waxaana soo gaaray dhaawacyo laakin waxaa u sii dheereed xidigaan markii lagu eedeeyay in uu wax ka qaban waayay xaaladada abaarta gool dhalinta kooxda heysata waxaana si gooni ah loogu eedeeyay kulankii FA Cup-ka looga soo saaray kooxda kadib markii Leeds ay ka badisay.

wararka laga helaayo gudaha kooxda Manchester Utd ayaa sheegaya in guuldaradii Leeds lagu eedeeyay ilaa afar cayaaryahan laakin dhaliisha ugu weyn dusha laga saaray Berbatov.

Nani oo isaga lagu soo iibiyay 17 Milyan oo ay kasoo qaateen kooxda Lispon ee dalka Portugal sanadkii 2007 ayaa sidoo kale isna la doonayaa in kooxda laga ceyriyo kadib markii uu wax ku soo kordhin waayay.

inkastoo xidigaan uusan cayaarin inta badan waxaana kal hore laga saaray xidiga joogtada kooxda inkasoo uu haatan qabo dhaawac ayaa waxaa uu yahay mid aanan mustaqbal ku sii lahayn kooxda.

Nani oo 23 jir ah waxaa uu rajo wanaagsan uu ka qabay ama laga qabay in uu noqon doono C.Ronaldaha cusub ee kooxda Man Utd.

xidiga kale ee la sheegay in kooxda laga saarayo waaa Anderson waxaa xidigaan xitaa mararka qaar uu waayaa badalka kooxda waxaana kooxda manchester Utd ay kusooo iibsatay xidigaan 18 Milyan oo gini.

xidigaan caalamiga wadanka Braziil Anderson ayaanan helin wali booska kooxda Manchester waxaana xidigaan uu yahay mid u baahi qaba in uu kulamo badan u cayaaro naadiga United-ka.

Vidig waxaa si weyn u doonaya kooxo ay Real madrid ka mid tahay waxaana ay u balan qaaday Todobaadkii in ay siiso mushaaro dhan 100 Kun oo gini waxaana xidigaas uu yahay mid si wanaagsan u doonaya in uu ka tago kooxda.