|
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
Farqiga sport
ee u dhexeeya labada waddan ee sida aadka ahi xafiiltanku uga
dhexeeyo.
05.01..2010, deeyoo.com. Saaxiibayaal waxaan halkan idinkuugu haynaa xubin sport oo aad u xiisa badan, waxaana uga hadleynaa hab dhaqanka sport ee u dhexeeya labada wadan ee Talyaaniga iyo Ingiriiska. Waxaan kusoo qaadaneynaa dhowr iyo toban qodob oo ka hadlaya ama taabanaya dhinacyo badan, waxaana kasoo aruurinay warbaahinta labada dal, garoomadooda, ciyaaryoydooda iyo waxyaabo kale. hadaba waa kuwan qodobadii aan idiin soo xulnay. 1, Italia, Maalmaha Axadda waxa ay waqtigooda ku isticmaalaan, Kiniisadda, Ciyaaraha iyo gurigooda. England, waxa ay maalintan u isticmaalaan Pub (goobaha Khamriga), Ciyaaraha iyo mar kale Pub dib loogu noqdo. 2, Italia, ciyaarta ka hor waxa ay isku kululeeyaan Pasta, suugo hilib leh iyo galaas Khamriga cas red wine. England, waxa ay bedelkoodu isku kululeeyaan kebab, Chips iyo Beer (Khamri fudud). 3, Italia, Taageerayaashoodu waxa ay caan ku yihiin dabeecad wanaag marka kooxdoodu dibadda kusoo ciyaareyso, laakiin gudaha garoomadooda waa ku waalanyihiin. England, garoomada wadankooda waa ku wanaagsanyihiin, laakiin marka ay dibadda u socdaalaan ayey si aad ah waashaan una rabshad badanyihiin. 4. Italia, Kuraasta loogu tala galay in ay ku fariisataan garoomada, waxa ay u isticmaalaan hub ahaan, halka ay kuwa Ingiriisku ku fariistaan kuraasta. 5. England garoomadooda marka aad u baahato in aad wax cunto ama cabto waa in aad aado ama tagtid baarka garoonka, Laakiin Italia waxaad u yeeraneysaa wiilasha garoonka wax ku iibiya ee loo yaqaan Jeeblayaasha oo inta badan naadiya waxyaabo kala duwan. 6. England hadii aad isku darsato xoog, fudeyd iyo awood dheerri ah oo kuu ogolaaneysa orod aan kala joogsi lahayn 90 daqiiqo, waxaad tahay ciyaariyahan weyn oo laga danbeeyo farsamadu micno saas u buuran malaha. Italia, Hadii aad xirfad farsamo iyo xarago la yaab leh isku darsato oo aadan xitaa ka dheeryn karin diidinka, waxaa tahay xiddig lagu sheekeysto. 7. England, hadii tv-ga sky sport sheego in Peter Crouch yahay xiddiga ugu wanaagsan aduunka wey aqbalayaan lana dhacayaan Laakiin hadii Sky sport Italia sheego in Simone Loria (ciyaaryahan ka tirsan Roma, laakin deyn ugu maqan Torino oo seria B ka ciyaarta)yahay xiddiga aduunka waxa macquul ah in ay iska wada xiraan kanalkan sport. 8. Ingiriisku waxa ay u arkaan garsooraha xun mid aan aqoon badan lahayn, laakiin Italia waxa looga yaqaan laaluush qaate. 9. Talyaaniga hadii koox laga dhaliyo 3 gool, dhamaan ciyaartoydu waa is dhiibaan, taageerayaashooduna waxa ay bilaabaan in ay isugu daraan caay, aflagaado garoonkana isaga tagaan. Laakiin Ingiriiska hadii koox laga dhaliyo 8 gool waxa ay wali kooxdani isku daydaa in ay kubad kasta ku dagaalanto goolna iska soo guddo, taageerayaashooduna waxa ay lasii garab galaan sawaxan iyo heesta kooxda oo loo qaado. 10. Italia marka aad Tv-ga ka daawaneyso falanqeyntii ciyaarihii dhacay 99% waa analysis ama hadal ku saabsan sidi wax u dheceen halaka 1% la is tuso wixi dhacay. Balse Ingiriisku 1% waa analysis, 99% waa sidi wax u dheceen ama Action. 11. Habka ay kooxi isku difaacdo Italia waxa loo arkaan farsamada ugu muhiimsan kubadda cagta, si aad ah ayeyna ula dhacaan difaaca wanaagsan, halka Ingiriiksku u yaqaan anti football ama hab aan ku wanaagsaneyn sportiga. 12. Italia, calamada (flags), qiica iyo holaca waa astaan taageeranimo, laakiin Ingiriisku waxa ay taageera wanaagsan u arkaan dharka ama maaliyadda kooxda, sacab iyo heesta kooxda iyo weliba ciyaariyahan kasta oo ay hees u sameystaan.
Waxaa idiin soo diyaariyay. Mohamed A, O (deeq)
deeyoo_edit@hotmail.com
|
|
|||||||||||||||||||||||||||||||||||||||||||||||||
|
©2009 www.deeyoo.com |
|||||||||||||||||||||||||||||||||||||||||||||||||||
