|
|
|
||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||
|
Weeraryahanada
caanka ah ee Forlan iyo Simao oo dhulka la galay kooxda weyn ee
Barcelona. 15.02.2010, deeyoo.com. Atletico Madrid ayaa noqotay kooxda kaliya ee dhulka dhigta Barcelona horyaalka sanadkan markii ay kaga badiyeen 2 gool iyo 1. Ciyaartan oo ahayd mid si aad ah indhaha loogu wada hayay maadaama ay Atletico madrid ahayd kooxdii ugu danbeysay ee ka adkaata Barcelona horyaalka Spain ku dhawaad sanad ka hor ayaa la wada sugayay in natiijo ka farxisa kooxaha kale gaar ahaan kooxda ay deriska yihiin ee Real Madrid. Diego Forlan iyo Simao Sarbrosa ayaa kala dhaliyay goolasha Atelitico halka Zlatan Ibrahimovich dhaliyay halka gool ee Barcelona ciyaartiina ay sidaa ugu soo dhamaato, sadaxdii dhibciidna ay kula hoydaan kooxda ka dhisan magaalada Madrid. Guuldaradan ayey ka dhigeysaa inuu soo yaraado farqigii dhibcaha ee u dhexeeyay Barca iyo Real oo ahaa 5 dhibcood, balse hadda laga soo dhigay 2 dhibcood kaliya, markii ay Real Madrid sabtidii ku tumatay kooxda yar ee Xerez. Ronaldo oo kasoo noqday ganaax iyo Kaka ayaa ku baashaalay difaacii Xerez, gababagadii ciyaarta oo noqotay 3 iyo waxba waxaa 2 kamid ah goolasha dhaliyay Ronaldo halka Kaka oo ahaa ninkii wada dhiibay sadaxdii kubadood ee goolasha lagu dhaliyay, arinta la yaabka leh ayaa ahayd in sadaxda goolba la dhaliyo 7 daqiiqo gudahood oo qeybtii danbe ee ciyaarta ah. Labadan kooxood oo inta badan isku haysta safka hore ee horyaalka spain ayaa dad badani qabaan in ay koobka ku guuleysaneyso cidda adkaata kulanka dhex mari doona labadooda, maadaama inta badan ay ka awood badanyihiin kooxaha kale, marka laga reebo Valencia, Atletico madrid iyo Sevilla oo marmar xanuujiya labadan darbi ee Barca iyo Real. Halkan hoose kala soco kala horeynta kooxaha.
Waxaa diyaariyay. Mohamed A O (Deeq) deeyoo_admin@hotmail.com
deeyoo_edit@hotmail.com
|
|
||||||||||||||||||||||||||||||||||||||||||||||||||||||||||||||||||||||
|
©2009 www.deeyoo.com |
||||||||||||||||||||||||||||||||||||||||||||||||||||||||||||||||||||||||
