|
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
Labada
kooxood ee ugu caansan Italia Juve iyo Milan oo isku goolal ku
adkaaday iyo Inter oo lugfta la qabtay. 15.02.2010, deeyoo.com. Kooxda hogaanka u haysa horyaalka Talyaaniga ee Inter ayaa 4 maalmood gudahood iska qasaarisay 4 dhibcood kadib markii ay laba kulan oo ay la kala ciyaartay Parma iyo Napoli gashay barbardhac, sidaasna ku aruursatay 2 dhibcood, farqigii dhanka dhibacaha ayaa hada noqday 7 dhibcood. Kooxda Milan oo aad ugu baahneyd in kooxaha kale ee Seria A caawiyaan si ay ugu soo dhawaato kooxda ay isku magaalada iyo isku garoonka yihiin ee Inter, waxa ay ka faa'iideysatay lugta la qabtay Inter iyaga oo jimcihii ka adkaaday kooxda Udinese oo ay uga badiyeen 3 gool iyo 2, laba kamid ah goolashaa waxaa u dhaliyay Huntelaar oo inta badan lagu haayo kursiga keydka ah, balse ciyaartan si aad ah uga faa,idey markii uu dhaawac galay Boriello oo booskan ka haysta. Kooxda weyn ee Juventus oo beryihii ugu danbeeyay u ekeyd koox ka xishootay in ay badiso kulamada ay ciyaareyso, ayaa boorka iska jaftay kuna cara goysay kooxda Genoa oo ay uga adkaadeen 3 gool iyo 2, sidoo kale laba kamid ah goolasha Juve waxaa dhaliyay kabatan Delpiero sidaasna aad ugu soo dhaweeyay kooxdiisa booska 4aad ee horyaalka Talyaaniga kaas oo muhiim u ah ka qeyb galka Champions League, waxa hadda min hal dhibic kaliya ka horeeya labada kooxood ee sampadoria iyo Napoli. Juventus oo aan looga baran in laga badiyo 8 kulan oo kamid ah 24 kulan oo ay ciyaartay waxaa guuldarooyinkii ku dhacay loo aaneeyay tababarihii xilka laga qaaday ee Ciro Ferrara oo la sheegay in ay ku dhacday khibrad la,aan, balse ujeedada laga lahaa ay ahayd in kooxdu ay ciyaarto qamaarkii Barcelona oo kale markii ay xilka u dhiibeen Guardiola oo aan khibrad lahayn, hadana sanadkiisii 1aad kooxda usoo xareeyay 6 koob, balse Juve waa ku qasaartay qamaarkeedii. Kooxaha ayaa hadda u kala horeeya. Inter oo leh 54 Roma 47. Milan 45. Sampadoria iyo Napoli min 39 dhibcood ugu danbeyn Juventus ayaa leh 38 dhibcood kooxaha dhamaan waxa ay wada ciyaareen min 24 kulan inta aan ka ahayn Milan oo ciyaartay 23 kulan. Dhanka gool dhalinta. Waxaa ugu horeeya. Di Natale (Udinese) 17 gool. Milito (Inter) 14 gool. Pazzini (Sampadoria) 12 gool. Matri (Cagliari) 11 gool. Baretto (Bari) 11 gool.
Waxaa diyaariyay. Mohamed A O (Deeq) deeyoo_admin@hotmail.com
deeyoo_edit@hotmail.com
|
|
|||||||||||||||||||||||||||||||||||||||||||||||||
|
©2009 www.deeyoo.com |
|||||||||||||||||||||||||||||||||||||||||||||||||||
