|
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
Sharci cusub
oo lagu kala jabinayo afarta kooxood ee ugu waaweyn Ingiriiska
oo jidka kusoo jira 15.02.2010, deeyoo.com. Sharci cusub ayaa lagu wadaa in lagu soo kordhiyo ciyaaraha ingiriiska ee premier League, ujeedaduna tahay in la kala jabiyo (Big Four) oo ah afarta kooxood ee ugu awoodda badan horyaalkan. Shircagan cusub ayaa dhigaya in ka qeyb galka horyaalka yurub ee Champions League loo fududeeyo kooxaha ay ku adkaatay sidii ay boos uga heli lahaayeen afartan kooxood ee Manchester Utd, Chelsea, Arsenal iyo Liverpool oo meesha ka dhigtay goob aan loo soo gali karin, waxaana lagu wadaa in 3 kooxood ay si toos uga qeyb galaan tartanka, halka booska 4aad loo furayo 4 koox oo u tartami doona halka boos ee haray, waa kooxaha kala gala kaalimaha 4aad, 5aad, 6aad iyo 7aad oo wada ciyaari doona tartan yar si loo helo hal koox kaliya oo ku biirta 3da hore. Fikradan ayey la dheceen dhamaan kooxaha Ingiriiska marka laga reebo afarta kooxood ee waaweyn. Kooxaha sida aadka ah ugu dhoola cadeeyay waxaa kamid ah Aston Villa, Tottenham, Manchester City iyo Everton. waxa ayna sheegeen in tani ay fursad u siin karto ka qeyb galka tartankan mid kamid ah kooxahan. Ka qeyb galka tartankan weyn ayaa ah mid aad ugu muhiim ah kooxaha Yurub, maadaama laga helo magac iyo lacag aad u fara badan oo kooxaha aan dhaqaalaha wanaagsan lahayn ka saacidda soo kabsasho iyo weliba daboolidda qarashaadka ay kooxdu isticmaasho. Sharcigan oo kale waxaa horey u dhaqan geliyay dalka Holland oo kooxaha gala kaalimaha 2aad ilaa 5aad isku arkaan tartan ay kooxdii ku guuleysata ku biireyso kooxdii gashay kaalinta 1aad ee hanatay koobka. Weli sharcigani lama soo saarin, laakiin waxa ay u badantahay inuu dhaqan galo maadaama inta badan kooxuhu ay la dhacsanyihiin, balse waxaa iyadana aan meesha ka marneyn awoodda ay leeyihiin 4ta kooxood ee loogu yeero THE BIG FOUR, oo laga yaabo in ay isku kaashadaan sidii ay u dhabar jabin lahaayeen sharcigan liddiga ku ah iyaga.
Waxaa diyaariyay. Mohamed A O (Deeq) deeyoo_admin@hotmail.com
deeyoo_edit@hotmail.com
|
|
|||||||||||||||||||||||||||||||||||||||||||||||||
|
©2009 www.deeyoo.com |
|||||||||||||||||||||||||||||||||||||||||||||||||||
