Masar oo ku guuleysatay koobka Afrika Markeedii 7aad iyo Gedo oo magaciisa baray aduunka.

01.02.2010, deeyoo.com.

Egypt ayaa baal dahab ah ka gashay taariikhda ku badda cagta Afrika, markii ay ku guuleysteen sadaxdii tartan ee ugu danbeeyay oo is xaga 2008, 2008, iyo kii ay xalay halka gool uga badiyeen dalka Ghana.

Marka la isku dara koobabka ay haystaan waa 7 koob oo kooxda kusoo xigta haysato 4 koob kaliya, waxaa la dhihi karaa waa Brazilkii Afrika marka laga eego dhanka ciyaarta iyo koobabka faraha badan oo ay haystaan, inkasta oo lala yaabanyahay waxa ka haysta in ay usoo baxaan koobka adduunka oo ay ugu danbeysay sanadkii 1990kii.

Mohamed Gedo ayaa mar kale kasoo kacay kursiga keydka ama bankiinaha dalkiisana u dhaliyay goolkii guusha daqiiqaddii 85aad ee dhamaadka ciyaarta. Gedo oo u ciyaara kooxda Ittihad Alexandria oo ka dhisan Egypt waa xiddig ku cusub qaranka iyo bahda sportiga intaba, dadka reer Masar ayaa u sameeyay naaneys cusub oo ah "Abu Tarikkihii cusbaa" laacibkan cusub ayaa loo caleema saaray gooldhaliyihii tartanka kadib 5ta gool oo uu dhaliyay dhamaantoodna uu kasoo kacay kursiga keydka. Laba todobaad kahor ma jirin cid taqaana magiciisa, balse hadda warbaahinta caalamka waxaa ka dhex muuqda sawiradiisa iyo magiciisa.

Xulka Ghana oo laga badiyay ayaa soo bandhigay ciyaar aad u heer sareysay iyaga oo ay ka maqnaayeen laacibiin waaweyn, waxa ayna u badnaayeen dhalinyaradii ku guuleysatay tartankii dhalinyarada adduunka World under 20' sanadkii hore.

Tartanka soo socda ayaa lagu qaban doonaa dalka Gaboon laba sano kadib haddii alla saamaxo.

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com