Chelsea oo mar kale bareejo lagu celiyey, Tababare Mancini oo kulankiisii ugu horeeyey badiyey iyo natiijada kulamadii dhacay

Mancini

27.12.09, deeyoo.com.

Kooxda hogaanka u heysa horyaalka Ingiriiska Chelsea ayaa mar kale ku guul dareysatey iney la hoyato 3 dhibcood markii ay bareejo goolal la `aan ah ku kala bexeen kooxda sanadkan wacdaraha shiday ee Birmingham.

Kulankan oo ay labda kooxba heleen fursado wanaagsan ayeysan midkoodna u suura gelin iney shabaqa la helaan marka laga reebo gool uu Birmingham udhaliyey Cristian Benitez hase yeeshee uu garsoorihii cayaarta si qalad ah u diiday isagoo offside dhigay inkastoo Drogba oo dhaawac ah uu garoonka dhexjiifay offsidekiina sidaas ku jabiyey maadaama uu weli garoonka ku dhex jiray.

Boortaha Birmingham ayaa fursado isdaba joog ah ka badbaadiyey xidigaha Chelsea iyadoo Alex uu birta ku dhuftgay, daqiiqad ka hor dhamaadkii cayaarta ayaa guduud la siiyey Florent Malouda isagoo hada ka mid noqdey liiska dheer ee Chelsae dhaawac iyo waajibaad qaran kaga maqnaanaya kulanka adag ee ay Arbacada la leeyihiin kooxda shidan ee Aston Villa.

Chelsea oo sii kordhisay hogaankeeda ka hor kulanka berito Man.United la yeelaneyso kooxda Hull inkastoo ay Chelsea badisay mid ka mid ah 5tii cayaar ee ugu dambeysay halka kooxda Birmingham oo sanadkan kusoo biirtay kooxaha heerka 1aad aan laga badin 10kii kulan ee ugu dambeysay.

Tababaraha cusub ee Manchester City Roberto Mancini ayaa badiyey kulankiisii ugu horeeyey markii ay 2-0 ku dhufteen kooxda Stokke, Martin Petrov (28) Carlos Tevez (45) ayaa labada gool qeybtii hore u kala dhaliyey Man.City.

Liverpool ayaa sidoo kale 2-0 ku badisay markii ay isqaabileen kooxda Wolverhampton iyadoo nuskii saac ee ugu dambeeyey ay goolasha u kala dhaliyeen kabtan Gerrard iyo Yossi Benayoun.

Natiijada kulamadii dhacay:

Birmingham - Chelsea 0-0.
Burnley - Bolton 1-1
Fulham - Tottenham 0-0.
Liverpool - Wolverhampton 2-0
Manchester C. - Stoke 2-0
Sunderland - Everton 1-1
West Ham - Portsmouth 2-0
Wigan - Blackburn 1-1

Kala horeynta kooxaha:

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com