Real Madrid iyo Manchester Utd oo isku heysta saxiixa Khouma Babacar "New Drogba" iyo qubanayaal kale

26.12.09, deeyoo.com.

Kooxaha Real Madrid iyo Manchester utd ayaa waxaa ay ceyrsanayaan xidiga kooxda fiorantino ee logu yeero Drogbaha cusub.
xidigaan ayaa waxaa lagu magacaabaa Babacar ayaa waxaa uu kasoo dhex muuqday kooxdiisa.
Khouma Babacar, waxaa uu yahay 17 jir waxaana uu u qaab cayaara sida drogbo oo kale.
xidigaan ayaa u dhashay wadan Senegaal waxaana uu ka cayaara weerarka waxaana lagu sheegaa in uu yahay mid kamid ah xidigaha da'da yar ee ku sugan wadanka Talyaaniga.
Khouma Babacar, ayaa waxaa uu tababar la qaatay kooxda Fiorantino waxaana sanadkii 2008 tan iyo markaasina waxaa uu ku sugan yahay Naadiga Viola.

Xidigaan ayaa waxaa uu kamid yahay juunyarka Fiorantino oo loo yaqaano Fiorentina Primavera ayaa waxaa la shaaciyay in ay xiiso u qabaan kooxo waaweyn oo qaarada Yurub ah.waxaana kamid ah Real madrid iyo Manchester utd.
mar wax laga waydiiyay wakiilada xidigaan in ay ka war hayaan rabitaanka xidigaan loo qabo iyo kooxaha u doonaya
ayaa waxaa uu sheegay nin lagu magacaabo Denis Rondanini. in ay tahay wararkaasi ay yihiin run.

kooxaha wadanka Talyaaniga ayaa dhibaato ay ka heysataa in laga iibsado cayaaryahanada yar yarka oo ay kala wareegaan kooxo ajaanib ah.
 

Tababaraha wadanka Angola Mauel Jose ayaa waxaa uu shaaca ka qaaday xulkiisa ka qeyb galaya koobka qaramada qaaaradda Afrika ee sanadka soo aadan ay marti galinayaan.
xulkaan ayaa waxaa kamid ah xidiga weerarka Manucho kaasi oo lagu daray koobkan xidigaha loo xulayo.
xidigaaan u cayaara kooxda Real Valladolid Ayaa waxaa uu ka qeyb qaadanaayaa koobka ay marti galinayaan dalkiisa.
koobka Q/qaaradda Afrika ayaa waxaa uu ka furmayaa dalka Angola 10 Janaayo ee bisha soo aadan sanadka cusub.
xulkaan ayaa waxaa sidoo kale ku jira Flavio iyo Gilberto laakin Yamba Asha iyo Andre Makanga ayaa waxaa ay qabaan dhaawacyo.
dhinaca kale qaar kamid ah wadamada Afrika ayaa waxaa ay xarumo tababar kumeel gaar ah ay ka sameysteen dalalka Yurub.

Gooldhaliyaha qaranka Talyaaniga iyo kooxda Bayern Munich Luca Toni ayaa lahadal hayaa inuu dib ugu soo laabto dalkiisa marka uu furmo suuqa kala iibsiga cayaartoyda bisha Janaayo ee sanadka soo socda.

Kooxda Roma ayaa loo badinayaa inuu ku biiri doono iyadoo saxaafada Talyaaniga ay qoreen  in heshiis buuxa ay Roma la gaartay Toni uuna la joogi doono ilaa dhamaadka 2012ka hase yeeshee ninka wakiilka u ah Toni ayaa beeniyey arintaas inkastoo uusan meesha ka saarin in waqti kasta uu heshiiskaas dhici karo wada hadaladana meel wanaagsan marayaan.

Kooxda Bayern Munich ayaa u fasaxday Luca Toni inuu wada hadal la gali karo kooxdii uu doono weliba si bilaash ah ugu biiri karo ka dib markii uu hogaanka kooxda u sheegay tababaraha Bayern Louis van Gaal in wax boos ah uusan u heyn gooldhaliyahan xoogan Luca Toni.

Axmed Mooge
Xafiiska Deeyoo Muqdisho
axmed_mooge@hotmail.com
002521-5140242

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com