Hughes oo laga eryay City iyo Mancini oo lagu badalay iyo xiddigo waaweyn oo la filayo in ay soo galaan Manchester City.

20.12.09, deeyoo.com.

Waxaa shaqadiisii laga eryay tababare Mark Hughes oo ahaa macalinkii kooxda maal qabeenka ah ee Manchester City.

Arintan ayaa ka danbeysay kadib rajo xumo ay maamulayaasha kooxdu kala kulmeen kooxda iyo tababarahooda oo uu hamigoodu ahaa ugu yaraan in ay dhex galaan ama kala jabiyaan kuwa loogu yeero "THE BIG FOUR" oo ah afarta kooxood oo ugu murqaha kuusan kooxaha Ingiriiska, sida caadada ahna sanad kasta ka qeyb gala Champions League sanad kasta.

Tababarihii 4aad oo Talyaani ah ayaa soo caga dhiganaya Ingiriiska isaga oo la wareegi doona kooxda M.City. Tababare Roberto Mancini oo horey usoo tababaray Kooxo waaweyn oo talyaani ah sida Inter iyo Lazio ayey maamulka kooxda City ku hanweynyihiin inuu kasaaro natiijo xumadii ku habsatay kulamadii ugu danbeeyay oo ay badiyaan kaliya 2 kulan oo kamid ah 12kii kulan ee ugu danbeeyay horyaalka.

Tababarahan ayaa durbadiiba bilaabay dhoola tus ku saabsan sida uu wax uga badalayo kooxda, waxa uuna saaxibadiis hoos ugu sheegay inuu soo iibsan doono xiddigo ay kamid yihiin Thierry Henry (qiimihiisa £10m), weeraryahanka Liverpool Fernando Torres (£80m), Xiddiga Atletico Madrid Sergio Aguero (£40m) iyo ciyaariyahanka Benfica geeska uga ciyaara  Angel Di Maria (£35m).
sidoo kale xiddiga Bayern Munich Franck Ribery (£65m).

Koley la arki doonee waxa uu soo siyaadiyo tababare Mancini oo Inter kula soo guuleystay 3 horyaalka Talyaaniga ah iyo dhowr koobka koobabka ah oo uu kula guuleystay Inter, Lazio iyo Fiorentina.

Diyaariye.

M,deeq, deeyoo_admin@hotmail.com

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com