Barcelona oo koobkii 6aad ku guuleysatay sanadkan iyo Messi oo abaal marintiisii 2aad helay.

20.12.09, deeyoo.com.

Barcelona ayaa gashay bogga taariikhda kubadda cagta aduunka kadib markii ay gacanta ku dhigtay koobkii 6aad sanad gudihiis markii ay 2 gool iyo 1 kaga adkaadeen kooxdii ka socotay dalka Argentiin oo hor kacayay kabtan Veron oo lagu magacaabo Estudiantes, kulankii finalaha koobka kooxaha qaaradaha adduunka ee ka dhacay dalka Imaaraadka carabta.

qeybtii hore ee ciyaarta ayaa gool looga naxsaday Barcelona, waxa ayna ku dadaaleen in ay iska soo gudaan balse ay aad ugu adkaatay, fursado badan oo ay iska qasaariyeen iyo Difaaca Estudiantes oo muujiyay iska caabin weyn, balse ciyaariyahan Pedro oo bedel ugu soo galay Barcelona ayaa niyadda ka wada jabiyay ciyaartoydii iyo taageerayaashii kooxdan Argentiin markii uu gool ka dhaliyay dhamaadki ciyaarta, wasabna ka dhigay in waqti dheeraad ah lagu daro ciyaarta.

Leonel Messi ayaa goolkii guusha u dhaliyay kooxdiisa daqiiqadii 110aad, sidaasna ugu suurta galiyay tababaraha da'da yar Guardiola inuu hanto koobkii 6aad sanad gudihiis, waxaana la arkayay isaga oo farxad la ooynaya.

Fiirso goolasha ciyaarta.

Sidoo kale Messi ayaa isna loo aqoonsaday xiddigii tartanaka, lana gudoonsiiyay koobkii dahabka ah, waxaa kaalinta labaad u galay Juan Sabestian Veron oo aad looga yaqaan Yurub horeyna ugu soo ciyaaray kooxo ay kamid yihiin Chelsea, Manchester Utd, Inter Milan, Lazio, Parma, Sampadoria, halaka uu kaalinta sadaxaad ku guuleystay macalinka qadka dhexe ee Barcelona Xavi.

Koobkan ay Barcelona qaaday ayaa sanad kasta la qabtaa xilligan oo kale, waxaana ku tartama kooxaha kusoom kala guuleysta horyaalada qaaradaha adduunka, Sida Yurub, Asia, LAtin America, North America, Africa iyo Occiano.

Waxaa diyaariyay

M,deeq, deeyoo_admin@hotmail.com

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com