Barcelona iyo Real oo isdaba socda iyo natiijada kulamadii todobaadkan ee horyaalka Spain

Zlatan iyo kabtankiisa Puyol

13.12.09, deeyoo.com.

Kooxaha waa weyn ee dalka Spain Barcelona iyo Real Madrid ayaa weli is daba socda markii ay 1-0 iyo 3-2 sida ay u kala horeeyaan uga kala badiyeen kooxaha Espanyol iyo Valencia.

Xidiga reer Swedan Zlatan Ibrahimovic ayaa goolka guusha oo rigoore ahaa u dhaliyey Barcelona una suura geliyey iney tiigsadaan iskoor hore kooxda ugu yaalay oo ahaa 15 kulan oo isku xiga horyaalka Spain oo aan marna laga badin iyagoo sidaan oo kale sameeyey horyaalkii 1984-85.

Kulankii xiisaha lahaa ee ka dhacay garoonka Mestalla ayaa qeybtii hore lagu kala nastay goolal la`aan hase yeeshee qeybtii 2aad ayey labada koox laba kacleeyeen iyadoo uu cayaaryahan Higuain labo gool oo is xiga u dhaliyey kooxdiisa R. Madrid halka David Villa iyo Joaquin ay u jawaabeen labo goolna u kala dhaliyeen Valencia.

Laakiin 8 daqiiqo ka hor dhamaadkii cayaarta ayuu cayaaryahan Ezequiel Garay madax ku dhaliyey goolkii 3aad ee R. Madrid taasoo ugu cdambeyntiina ay xidigaha Valencia ka jawaabi waayeen sidaasna ay guusha ku raacday R.Madird oo 5 dhibcood ka hooseysa kooxda hogaanka keliga ku ah ee Barcelona inkastoo Real ay hal kulan ka yar cayaartay.

Xidiga difaaca Real Pepe ayaa garoonka bareele looga qaaday dhaawac soo gaaray dartiis waxeyna kooxda shaacisay inuu maalmaha soo socda qaliin geli doono isagoo garoomada ka maqnaan doono mudo 6 bil ah waana waqtiga ka haray bilowga koobka aduunka isagoo halis ugu jiro inuu dhaawacan dartiis ka baaqdo koobka aduunka.

Kooxda Sevilla ayaa 3aad kasoo ciriirsatey Valencia markii ay gool iyo waxba uga badisay kooxda Sporting waxaana goolka guusha u dhaliyey Kanoute daqiiqadii 9aad ee bilowgii cayaarta.

Kulamadii Todobaadkan:

Kala horeynta kooxaha:

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore

©2009  www.deeyoo.com