|
|
|
|||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
Juventus oo mar kale dhulka lagu jiiday,
Cagliari oo sameysay rogaal celin la yaableh iyo kulamada berito 12.12.09, deeyoo.com. Juventus waxey Talaadadii ka hartay Champions League markii ay Bayern Munich guul daro 4-1 ah dhabarka u saarisay waxaa lasii hadal hayey iney xoogooda isugu geyn doonaan hanashada horyaalka Talyaaniga laakiin maanta mar kale ayaa guuldaro 3-1 ah loo xambaariyey kulankii ay u martiyeen kooxda Bari. Cayaaryahan Riccardo Meggiorini ayaa goolkii 1aad u dhaliyey kooxdiisa Bari daqiiqadii 7aad ee bilowga cayaarta hase yeeshee waxaa bareejeeyey gooldhaliyaha weyn David Trezeguet kala barkii qeybtii hore. Gool rigoore shaki badan ku jiro ayuu Paulo Barreto oo rigoorada lagu galay u dhaliyey Bari oo mar kale hogaanka qabatey. Juventus ayaa heshay fursad ay ku keeni kartay gool bareejo ah hase yeeshee waxaa rigoore ka qasaariyey Diego. Sergio Almiron oo ahaa xidigii galay qaladkii rigoorada looga dhigay Bari ayaa noqday halyeygii kooxdiisa markii uu sabarsiiyey Juventus oo uu ka dhaliyey goolkii 3aad. Juventus oo todobaadkii hore ka adkaatay kooxda hogaamineysa horyaalka Inter una soo jirsatey 5 dhibcood ayaa farqigii dhibcaha mar kale wuxuu noqon karaa 8 hadii ay Inter badiso kulanka ay berito la cayaareyso kooxda Atalanta. Cayaaryahanda Cagliari ayaa sameeyey rogaal celin cajiib ah laakiin nasiib daro ilbiriqsigii ugu dambeeyey cayaarta ay guushii farahooda ka baxday markii ay 3-3 ku kala bexeen iyaga iyo Napoli. Goolal ay kala dhaliyeen Lavezzi iyo Pazienza labada qeybood ee cayaarta ayaa Napoli u suura geliyey iney 2-0 ku hogaamiyaan kulankaan hase yeeshee rubi saacii ugu dambeeyey ayey xidighii Cagliari dhaliyeen 3 gool oo ay kala saxiixeen Larrivey (75), Matri (80) iyo Jeda (90), markii daqiiqadihii beerdarada guduud la siiyey Lavezzi oo Napoli ah waxey u ekeyd in Cagliari guusha la hoyan doonto waxaase hor istaagay Bogliacino oo sakanadii ugu dambeeyey waqtigii beerdarada (daqiiqadii 95) dhaliyey goolkii barbardhaca sidaasna uga badbaadiyey kooxdiisa guuldaro xanuun badan. Kulamada berito: Atalanta - Inter, Catania - Livorno, Chievo -
Fiorentina, Lazio - Genoa, Milan - Palermo, Parma - Bologna,
Siena - Udinese, Sampdoria - Roma.
Asad A. Omar "afey" deeyoo_edit@hotmail.com
|
|
|||||||||||||||||||||||||||||||||||||||||||||||||
|
©2009 www.deeyoo.com |
|||||||||||||||||||||||||||||||||||||||||||||||||||
