|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Muqdisho oo lagu qabtay xaflad qado sharaf Sport. 26.07.2008, deeyoo.com
Waxaa Hotelka Saxafi ee magaalada Muqdishu lagu qabtay xaflad qado sharaf Lagu Soo Gunaanadayay Todobaadka Xuska Aabaha Isboortiga Allaha ha u naxariistee Nuur Jeenyo iyo Olympic-day Run , xafladan oo ay Guddiga Olambikada si heer sare ah ay u soo agaasimeen ayaa waxaa ka soo qeybgalay mas`uuliyiin waxgarad ,culimaa`udiin qeyabaha kala duwan ee bulshada iyo bahweyn isboorti oo ay ka mid yahiin ciyaaryahano hore oo magac dalka ku leh .
Ugu horeyn waxaa halkaasi warbixin ka soo jeediyay Ibraahim Roombo Guddoomiye ku xigeenka XSKK ahna Xoghayihii tartanka xuska Aabaha Isboortiga Nuur Jeenyo wuxuu ka warbixiyay qaabka qabanqaabo ee ay GOS tartankan u galeen iyo sida tartamadii dhacay loogu kala guuleystay abaalmarinada tartan ciyaareedka Xuska Nuur Jeenyo Allaha ha u naxariistee sidoo kale waxaa halkaasi G/X/1-aad G.O.S ahna Guddoomiyaha XSKK Aadan Xaaji Yabaroow (Wiish) isagoo sheegay in ay mudan tahay in mar kasta la xasuustaan Halyeeyga Aabaha isboortiga Nuur Jeenyo oo uu sheegay inuu yahay nin mar walba quluubta bahweynta isboortiga mar walba baaqi ku ahaan doona .
Guddoomiyaha G.O.S C/qaadir Ibraahin Gacal Abkoow ,Guddoomiye ku xigeenka G.O.S arrimaha xiriirada Xaaji Cabdi Cilmi Warsame iyo Saciid qorsheel oo ka mid ahaa Ciyaaryahanadii kooxdii Jeenyo ayaa iyaguna waxa ay ku dheeradeen aqoonta ay u leeyahiin Allaha ha u naxariistee Nuur Jeenyo .
Ra`iisul wasaare ku xigeenka ahna Wasiirka Isboortiga Axmed C/Salaam Aadan ayaa isna halkaasi ka hadlay isagoo sheegay inay farxad u tahay inuu bahweynta isboortiga kala qeybgalo gunaanadka xusta 1-aad ee Aabaha Isboortiga Nuur Jeenyo wuxuuna carabka ku adkeeyay in uu howlo shaqo uu ku jiray ka soo tegay isagoo danaynaya in bahweynta isboortiga iyo G.O.S kala qeybgalo Xafladda gunaanadka Xuskan sanadguuradii 1-aad ee geeridii Aabaha isboortiga Soomaaliyeed Nuur Xuseen Cabdi (Nuur Jeenyo) .
Xafiiska deeyoo.com Muqdisho-Somalia
|
|
|||||||||||||||||||||||||||||||||||||||||||||
