|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Roberto Carlos
oo kusoo wajahan Chelsea iyo wararkii ugu dambeeyey ee suuqa
kala gadashada ciyaartoyda 08.07.2008, deeyoo.com Xidigii hore ee qaranka Brazil iyo kooxda Real Madrid Roberto Carlos ayaa laga yaabaa inuu kasoo tago kooxdiisa Fenerbahce oo ka dhisan dalka Turkiga una soo wareego naadiga weyn ee Chelsea oo uu hada tababare ka yahay macalinkiisii hore ee qaranka Ingiriiska Luiz Felipe Scolari. Roberto Carlos oo hada 35 jir ah ayey Chelsea hore isugu dayeen iney lasoo wareegaan xiligii uu halbowlaha u ahaa Real hase yeeshee ay ku guuldareysteen laakiin hada oo uu tababare u yahay Scolari ayey damacoodii soo celiyeen inkastoo Carlos sheegay inuusan weli waxc wada hadal ah la yeelan tababare Scolari tan iyo markii uu noqdey macalinka cusub ee Chelsea. Carlos wuxuu ka mid ahaa xidigihii qaranka Brazil ee uu macalinka u ahaa Scolari kuna guuleystey koobkii aduunka ee 2002. Xidiga weyn ee qaranka Ruushka Andrei Arshavin oo aad usoo shaac baxay ciyaarihii qaramada qaarada Yurub ayaa la sheegayaa inuu ku biiri doono mid ka mid ah kooxaha waa weyn ee Ingiriiska iyadoo ay hore usoo bexeen warar sheegayey in Arsenal iyo Chelsea ay daneynayaan xidigan 28 jirka ah inkastoo ay kooxdiisa Zenet sheegtay ineysan xiriir lasoo sameyn koox ka dhisan dalka Ingiriiska. Barcelona ayaa ah kooxda keliya ee xiriir toos ah la sameysay kooxda Zenit si ay ula soo wareegaan Arshavin hase yeeshee qiimaha ay ku doonayaan uu aad uga yaryahay kan ay Zenit ku rabaan in lagaga gato. Kooxda Chelsea ayaa si cad u sheegtay in Lampard uu kooxda lasii joogi doono xilli ciyaareedka soo socda isla markaana ay u sheegeen kooxda Inter oo lasoo xiriirtay in xidigooda qadka dhexe uusan iib aheyn. Waxaa jiray warar sheegayey in tababaraha cusub ee Inter Mourinho uu aad u doonayey in Lampard ka mid noqdo kooxdiisa cusub hase yeeshee Mourinho ayaa hore u muujiyey sida aysan u fududeyn in Lampard oo hal sano oo keliya kaga harsan qandaraaska uu kula jiro Chelsea isla markaana dhanka kale cadeeyey inuusan shaki ka qabin in Lampard xiran doono maaliyada Inter sanadka soo socda marka uu dhamaado heshiiska uu kula jiro Chelsea iyadoo ninka wakiilka u ah Lampard oo lagu magacaabo Steve Kutner uu isna ka dhawaajiyey in weli ay suurta gal tahay in Lampard ka tago Chelsea maadaama aan hore loogu guuleysan wadahadalkii u socday isaga iyo kooxda oo soo jiitamaayey in kabadan 2 sano. Gooldhaliyaha weyn ee Chelsea Drogba ayaa lasoo sheegayaa inuu heshiis la gaaray kooxda Inter oo uu hada tababare u yahay macalinkiisii hore ee Chelsea Mourinho. Tan iyo markii uu Mourinho ka tagay Chelsea waxaa jiray warar iska dabaimaanayey oo sheegayey in waqtigii Drogba ee Chelsea uu dhamaaday iyadoo tababaraha cusub ee Chelsea Scolari uu dalbaday in Drogba la gado maadaama uusan niyad u heyn kooxda inkastoo aysan weli labada kooxba xaqiijin heshiiskan lasoo sheegayo in Drogba u wareegi doono Inter. Sidoo kale Scolari wuxuu dalbadey in Shevchenko isna la gado iyadoo la filaayo in dhowaan uu u wareego kooxda Milan. Boortaha ruugcadaaga ah Grégory Coupet ayaa kasoo tagay kooxdii uu 11 sano la joogay ee Lyon isagoo u soo wareegay kooxda ka dhisan caasimada Spain ee Atletico Madrid. Ciyaaryahan Peter Crouch ayaa ka tagaya Liverpool una wareegaya kooxdiisii hore Portsmouth iyadoo labada koox ay gaareen heshiis hor dhac ah iyadoo Liverpool ay heli doonto lacag dhan 10 milyan oo Pound. Ciyaaryahan Daniel Guiza oo ahaa xidigii ku guuleystay tartanka gooldhalinta Spain sanadkan isagoo 27 gool ku qaaday isla markaana dhaliyey 2 ka m id goolashii Spain ciyaarihii qaramada Yurub ayaa usoo wareegay kooxda Fenerbache oo uu tababare u noqday dhowaan Aragones oo Spain usuura geliyey iney ku guuleystaan qaramada Yurub. Kooxdiisa Mallorca ayaa la sheegayaa in xidigan 27 jirka ah ay ku heshay qiime dhan 17 milyan iyo bar euro.
Asad A. Omar "afey" |
|
|||||||||||||||||||||||||||||||||||||||||||||
