|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Tartankii
xiisaha badnaa ee Eurosom 2008 oo galay malintiisii labaad 20.07.2008, deeyoo.com Ciyaarihii xiisaha badnaa ee Eurosom 2008 ayaa galay maalintoodii labaad iyadoo kulamadii maanta oo aad u xiisa badnaa ay kooxaha Birmingham iyo Kanava 4-2 iyo 4-0 sida ay u kala horeeyaan uga kala badiyeen kooxihii ku ciyaarayey magaca Alhijra iyo Gothenborg. Kulankii hore oo raali geliyey dadweynihii usoo daawashada tagay ayey dhalinyaradii Birmingham si lama filaan ah 4-2 uga badiyeen kooxda Alhijra oo ka mid ah kooxaha ugu adag ee tartankaan ka qeyb gelaayo isla markaana loo maleynayo in ay ku guuleysan doonaan. Kulankaan ayaa qeybtii hore u muuqday mid miisaaman iyadoo ay labada kooxba isdaba socdeen, kooxdii Birmingham ayaa laba jeer hogaanka qabatey iyadoo labada marba ay Alhijra bareejeeyeen oo ay 1-1 iyo 2-2 gaarsiiyeen hase yeeshee mar la islahaa Alhijra ayaa ugu dambeyn adkaan doonto ayey dhalintii Birmingham lasoo bexeen ciyaar aad u farsameysan isla markaana heleen fursado aad qaali u ahaa ugu dambeyntiina guusha ku raacdey 4-2.
Ciyaaryahanka da`da yar ee reer Birminham Cawale Xasan ayaa si aad ah uga dhex muuqday garoonka noqdeyna xidigii garoonka isagoo kooxdiisa u dhaliyey labo ka mid ah goolashii ay ku badiyeen. - Waxaan rajeynayaa inaan soo gaarno finaalaha tartankan oo hadii aan sidamaanta oo kale u ciyaarno aan rajeynayo inaan ku guuleysan doono ayuu yiri ciyaaryahan Cawale oo kulankii maanta ka dib u waramayey deeyoo.com oo sida uu noo sheegay u ciyaara kooxda Kiddminister FC oo ka mid ah kooxda heerka 3aad ee dalka Ingiriiska.
Sidoo kale waxaa noo suura gashay inaan wax ka weydiino guushii lama filaanka aheyd ee naadiga Birmingham gudoomiyaha kooxda Mubarak Yusuf Bidhi oo noo sheegay in sanadkan ay ku guuleysan karaan tartankan isagoo u mahad celiyey dhamaan ciyaartoyda iyo macalinkooda Cabdi Casis diyaargarowga wanaagsan oo ay sameeyeen. Kulankii labaad oo isna aad u xiisa badnaa ayaa naadigii Gothenborg 4-0 lagaga naxsadey iyadoo kooxdii reer Finland ee Kanava oo uu si gooni ah uga dhexmuqdey ciyaaryahan Amin Cabdi oo dhaliyey 2 ka mid ah goolashii kooxdiisa una suura geliyey in dhibcihii kulankaan ay la hoydaan.
Sida uu noo xaqiijiyey Xoghayaha Warfaafinta ee dalada Eurosom mudane Abdiaziz Godah waxaa sababo xaga safarka awgeed tartankan uga baaqdey kooxihii ka kala imaan lahaa dalalka Danmark iyo Holland taasoo sababtey in Jadwalkii ama isku aadkii tartankan la badalo. - Runtii waxaa jira sharci u dagsan Eurosom dhanka marti gelinta waxaa la siinayaa dalkii dalkii ama magaaladii dalbata hadii ay tusaale ahaan labo dal ama ka badan wada codsadaan waxaa loo qaadayaa cod halkii loo bato ayaana lagu qabanayaa marka hadii ay Leicester ama magaalo kale oo Ingiriiska ah dalbato looguma diidi karo kooxaha dalalka kale ayey dhib ku tahay iney kasoo qeyb galaan ayuu ku jawaabay mudane Godah oo aan weydiinay bal iney ka fekerayaan mustaqbalka in ciyaarahaan lagu qabto meel ka tirsan dalka Ingiriiska maadama dhalinyarada ka imaaneysa wadamada kale ee aan heysan dhalshada dalka ay degen yihiin ay dhib ku tahay mar hadii viso laga rabo safarkooda Ingiriiska.
Guud ahaan jawiga halka ciyaarahan lagu qabanayo ayaa ah mid aad u degen oo jawi farxadeed leh waxaana rajeyneynaa in uu guul ku dhamaado
Asad A. Omar "afey" |
|
|||||||||||||||||||||||||||||||||||||||||||||
