|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Ciyaaryahan
Manchester United oo markii ugu horeysey mudo 34 sano ah usoo
wareegay Arsenal iyo qubanayaal kale 21.08.2008, deeyoo.com Kooxda Arsenal ayaa qiime aan la shaacin kula soo wareegtay Mikael Silvestre oo 9kii sano ee ugu dambeysey u ciyaarayey kooxda Manchester United. Silvestre oo 31 jir ah ayaa qalinka ku duugay heshiis 2 sano ah iyadoo markii hore ay soo baxayeen warar ah inuu u wareegi doono kooxda Manchester City hase yeeshee uu ka door biday Arsenal si uu u ciyaaro Champions League. Silvestre waa ciyaaryahankii ugu horeeyey ee kasoo taga Man.United una soo wareega Arsenal wixii ka dambeeyey Brian Kidd sanadkii 1974kii. Andriy Shevchenko ayaa ku jira xaalad jahawareer markii kooxdiisa Chelsea diiday iney deyn ku siiyaan kooxdiisii hore ee Milan. Milan ayaa weli si weyn u dooneysa gooldhaliye waxeyna ka rajo qabaan in arinta Andriy Shevchenko ay dhowaan xal u helaan. Chelsea ayaa shuruud kaga dhigtay Milan iney si joogto ah ula wareegaan ciyaaryahankan ama ay ka tashadaan sidoo kale waxaa lasoo warinaya in Chelsea ay dooneyso in Shevchenko sii heytaan maadaama uu dhaawac dheer kaga maqanyahay gooldhaliyahooda weyn Drogba. Juventus ayaa ku dhow iney heshiis waqti kordhin ah la gasho xidiga mustaqbalka wanaagsan ku leh kubada cagta Sebastian Giovinco. Giovinco oo ka mid ahaa xidigihii Talyaaniga ee wacdaraha ka dhigay ciyaaraha Olombiga ayaa waxaa saf dheer u soo galay kooxo badan oo ay ku jirto Arsenal si ay ula soo wareegaan hase yeeshee Juventus ayaa hada u muuqata iney ciyaaryahankan si dhab ah u ilaashadaan isla markaana mushaharkiisa oo ahaa sanadkii 500,000 oo euro la kordhiyo 2 sanana loogu daro waqtigii uu dhici lahaa qandaraaskiisa oo hada lagaarsiiyey illaa 2013ka. Macalinka Sunderland Roy Keane ayaa weli wado urursiga xidigo caan ah wuxuuna ku guuleystay inuu kooxda keeno xidigii hore ee Liverpool Gjibril Cisse oo 6 ku noqonaya xidigaha uu sanadkan kooxda kusoo xoojiyey Keane isagoo hore ula soo wareegay Teemu Tainio, Pascal Chimbonda, Steed Malbranque, El-Hadji Diouf iyo David Healy. Chelsea ayaa weli ka quusan sidii ay ula soo wareegi lahaayeen xidiga reer Brazil Robinho oo sida ay saxaafada soo warisay la diyaar ah lacag dhan 30 milyan oo Pound inkastoo Real Madrid u muuqato iney sii heysanayaan maadaama ay ku hungoobeen rabitaankooda C.Ronaldo. Robinho ayaa dhankiisa sheegay inuu ku faraxsan yahay Madrid laakiin uu jeclaan lahaa inuu markale ka hoos ciyaaro tababarihiisii hore ee qaranka Scolari oo hada macalin u ah Chelsea.
Asad A. Omar "afey"
|
|
|||||||||||||||||||||||||||||||||||||||||||||
