|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Dalalka
Afrika u matalaya tartanka kubada cagta Olombikada oo wada
badiyey, Brazil oo wacdaro dhigtay 11.08.2008, deeyoo.com Dalalka kubada cagta ee qaaradeena Afrika u matalaya ciyaaraha Olombikada aduunka ayaa kulamadoodii wada badiyey isla markaana rajo wanaagsan ka leh iney usoo wada gudnaan querter finaalka. Cameroon waxey 1-0 ku dhufteen dalka Honduras, Ivory Coast waxey 4-2 ku garaaceen dalka Serbia halka Nigeria ay 2-1 kaga adkaadeen dalka Jaban. Dalka Cameroon iyo Ivory Coast ayaa badis iyo bareejo kusoo baxa kulamada ay maalinta Talaadada ah sida ay u kala horeeyaan ula kala yeelanayaan dalalka Australia iyo Talyaaniga iyadoo xitaa hadii laga badiyana rajo ka leh iney soo gaaraan wareega 8da dal halka dalka Nigeria hadii ay badiyaan ay soo baxaan hadii ay bareejo ama laga badiyana ay rajadooda ku xirnaaneyso kulanka kale ee dhex mari doono Holland iyo Japan. Dalalka Brazil, Argentina iyo Talyaaniga ayaa min 6 dhibcood urursadey labadii kulan ee ay ciyaareen soona gaaray querterfinaalka. Ronaldinho oo inta badan lagu eedeynayey inuu aad isku dhimay qaab ciyaareedkiisa isla markaana uu cayilay ayaa kulankii ay la yeesheen dalka New Zealand ahaa xidigii garoonka dhaliyeyna laba gool taasoo qubarada ciyaaraha qaarkood ay ku tilmaameen Ronaldinho kusoo laaban karo halkii uu joogay 2 sano ka hor. Messi oo ka mid ah ciyaaryahanda caanka ah ee ka qeyb gelaya Olombikada aduunka ayaa labadii kulan ee uu saftay muujiyey xirfadiisa ciyaaryahanimo isagoo dhaliyey mid ka m id ah 3da gool ee Argentina ka dhalisay tartankan.
Asad A. Omar "afey"
|
|
|||||||||||||||||||||||||||||||||||||||||||||
