|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Ingiriiska
oo dirqi kaga baxsadey Jam.Czech iyo kulamadii kale ee
saaxiibtinimo 21.08.2008, deeyoo.com Waxaa shalayto ka dhacay garoomada kala duwan ee qaarada Yurub kulamo saaxiibtinimo oo ay wadamadaas isugu diyaarinayaan kulamada isreeb reebka koobka aduunka 2010 lagu qaban doono qaarada Afrika. Magaalada London xulka Ingiriiska waxaa marti u ahaa xulka kubada cagta Jamhuriyada Czech oo ay bareejo 2-2 ku kala bexeen taasoo sababtaey in dhamaadkii ciyaarta taageerayaashii Inghiriiska ku oriyaan ciyaaryahanadooda iyagoo ka xumaa natiijada iyo qaabciyaareedkii xulkooda qaranka. Xulka Jamhuriyada Czech ayaa labo goor hogaanka qabtay iyadoo xulka Ingiriiskana ay labada marba bareejeeyeen, Milan Barros ayaa Czech goolka hore u dhaliyey halka West Brown uu goolkii bareejada u dhaliyey Ingiriiska daqiiqadii ugu dambeysey ee qeybtii hore, laacibka AC Milan Marek Jankulovski ayaa goolkii 2aad oo boloziyoon aad u qurux badan ahaa u dhaliyey Czech waxaase mar kale daqiiqadii ugu dambeysey ee ciyaarta bareejeeyey Joe Cole gabagabadii ciyaartana ka dhigay 2-2. Xulka heysta horyaalnimada qaarada Yurub ee Spain ayaa 3-0 kusoo dhuftay qaranka Danmark kulan ka dhacay magaalada Kopenhagen iyadoo goolasha Spain ay kala dhaliyeen Xabi Alonso (2 gool) iyo Xavi Hernandez. Goolal ay kala dhaliyeen Bastian Schweinsteiger (rig. 59), iyo Marko Marin (77) ayaa xulka Jarmalka u suura geliyey iney 2-0 ugu awood sheegtaan dalka Belgium hase yeeshee kulankaan waxaa aad loogu xusuustaa taako aad halis u aheyd oo uu boortaha Belgium Stijn Stijnens feeraha ka geliyey gooldhaliyaha Bayern Munich Lukas Podolskis taasoo raajito la saaray lagu sheegay inuu jab soo gaaray waxaase kasii yaab badneyd in garsoorihii ciyaarta uusan wax qalad ah ka dhigin boortaha falkan ka dhacay banaanka xerada ganaaxa. Fransiiska wuxuu 3-2 kaga soo badiyey dalka Swedan iyadoo ay goolasha u kala dhaliyeen Benzema iyo Govou oo labo gool dhaliyey halka goolasha Swedan ay kala dhaliyeen ruugcadaagooda weyn Henrik Larsson iyo Källström, Talyaaniga waxey bareejo 2-2 ku kala bexeen dalka Austria iyadoo xulka Holland ay iyagana bareejo 1-1 ah isla dhaafi waayeen xulka Ruushka.
Asad A. Omar "afey"
|
|
|||||||||||||||||||||||||||||||||||||||||||||
