Lampard oo qandaraas dheer la galay kooxdiisa Chelsea

Lampard iyo macalinkiisa hore Mourinho

14.08.2008, deeyoo.com

Waxaa soo dhamaadey madmadowgii ku jiray mustaqbalka Frank Lampard ee kooxda Chelsea markii uu saxiixay qandaraas dheer oo 5 sano ah taasoo meesha ka saartey rajadii uu tababaraha Inter Jose Mourinho ka qabay in Lampard sanadkan ama kan xiga usoo wareegi doono Inter.

Lampard oo qandaraaskiisii hore ku ekaa dhamaadka xili ciyaareedka hada bilaabanaya ayaa mudo dheer oo gorgortan iyo wadahadal ah ka dib waxey labada dhinac shaaciyeen iney heshiis gaareen isla markaana uu Lampard kooxda lasii joogi doono illaa 2014ka taasoo farxad weyn u ah taageerayaasha Chelsea.

- Waxaan jeclahay inaan mustaqbalkeyga ciyaaryahanimo ku dhameysto Chelasea, dhowr jeer oo horena waa ku celceliyey. Heshiiskan aan hada saxiixay ka dibna aad baan ugu faraxsanahay iney sidaas noqoto ayuu yiri Lampard sida lagu qoray boga nett-ka ee Chelsea.

Qandaraaskan cusub ayey labada dhinac ka gaabsadeen iney shaaciyaan lacagta uu mushahar ahaan u qaadanayo Lampard hase yeeshee waxaa jiray warar hore oo sheegayey in Chelsea u balan qaaday inuu noqdo ciyaaryahanka ugu mushaharka badan horyaalka Ingriiska lana siin doono 140 kun oo Pound todobaadkii hadii uu saxiixo heshiiskan cusub sida ay hore u qortey Daily Telegraph.

Frank Lampard oo hada 30 jirsadey wuxuu kooxda kusoo biiray 2001 isagoo dhaliyey 110 gool 369 kulan oo uu u saftey kooxda Chelsea

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore