|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Robinho oo
sheegay in niyadiisa jirto Chelsea 31.08..08, deeyoo.com Weeraryahanka Real Madrid Robinho ayaa maanta si cad u sheegay in niyadiisu jirto magaalada London iyo kooxda Chelsea uuna jecelyahay inuu ka tago Real Madrid inkastoo hogaanka sare ee kooxda ku adkeysanayaan inuu lasii joogi doono. - Waan u sheegay Gudoomiyaha (Ramon Calderon), iyo tababaraha (Bernd Schuster) in niyadeydu jirto Chelsea halkaasna ay tahay meesha aan jeclahay inaan ka ciyaaro ayuu yiri Robinho oo maanta Shir Jaraa`id ku qabtay magaalada Madrid. Robinho ayaa ku eedeeyey kooxdiisa iney qiime dileen isagoo ku canaantay sida ay u maareeyeen wadahadaladii u dhexeeyey ninka wakiilka u ah Robinho iyo madaxda Real Madrid labo bilood ka hor oo ay ugu wada hadlayeen qaabka ay meel iskula dhigi karaan heshiis waqtiga loogu kordhinaayo Robinho oo ay kooxda ka meermeertay. Real Madrid waqtigaas waxey aad ugu mashquulsanaayeen iney helaan saxiixa xidiga Man.United C.Ronaldo iyo markii dambeDavid Villa hase yeeshee labadaba ay usuura geli weysey taasoo ku qasabtay iney ilaashadaan Robinho. - Kooxda waxey i tuseen ineysan dan iyo heelo ka laheyn inaan lasii joogo hada waxa keliya ee aan doonayo waa inaan u wareego Chelsea ayuu Robinho ku yiri Shirkiisa Jaraa`id ee uu maanta qabtay. Waxey u egtahay in Robinho uu lasii joogi doono Real Madrid maadaama caawa saqda dhexe uu xirmayo suuqa kala gadashada ciyaartoyda iyadoo macalinka Real Bernd Schuster uusan kusoo derin liiska ciyaaryahanadiisa labadii kulan ee ugu dambeeyey iyo weliba kan caawa ay la yeelanayaan kooxda Deportivo oo ah kulankoodii 1aad ee horyaalka Spain. Robinho waa 24 jir wuxuuna Real Madrid kusoo biiray sanadkii 2005 isagoo kooxda la qeyb sadey labo horyaalka Spain.
Asad A. Omar "afey" |
|
|||||||||||||||||||||||||||||||||||||||||||||
