Arsenal oo ku barbaratey Newcastle iyo natiijada kulamadii la ciyaaray

Van Persie

31.08.08

Arsenal waxey si la yaab leh 3-0 uga badiyeen kooxda Newcastle kulan ka tirsan horyaalka Ingiriiska iyagoo hada u muuqda iney qeyb ka yihiin loolanka horyaalka Ingiriiska ka dib bilow caajis ah oo ay 1 gool dhaliyeen labadii ciyaar ee hore.

Labo daqiiqo uun markii ay ciyaarta socotay ayaa xerada ganaaxa ee Newcastle gudeheeda lagu jilaafay Van Persie iyadoo taageerayaasha Arsenal fadhiga kawada keceen oo ay moodeen rigoore hase yeeshee garsoore Rob Styles ayaa iska diiday laakiin rubi saac ka dib ayuu rigoore u dhigay Arsenal markii ay kubad karoos aheyd kusii dhacday gacanta Charles N'Zogbia oo ku jiray gudaha xerada ganaaxa ee kooxdiisa Newcastle taasoo si degin Van Persie u daba mariyey goolhaye Given.

Van Persie ayaa goolkii labaad mar kale dhaliyey isagoo dhameystiray weerar aad u qurux badnaa oo ay soo qaadeen Arsenal ugu dambeyntiina uu cirib ugu soo baasay Eboue.

Arsenal ayaa sii waday baasas gaagaaban oo degdeg ah isku dhexyaacna ku riday xidigihii Newcastle oo u maara waayey weerarada kaga imaanaayey Arsenal taasoo ugu dambeyntiina ka dhigtay in Denilson kooxdiisa u dhaliyo goolkii 3aad ee ciyaarta.

Michael Owen ayaa kubad uu teesteeyey ku dhuftey birta goosha Arsenal taasoo aheyd fursada ugu qweyn oo ay heleen Newcastle natiijadii ciyaartana ugu dambeyntii noqotay 3-0 oo ay Arsenal ku badiyeen.

Natiijada kulamadii kale ee la ciyaaray:

Bolton - West Bromwich 0-0

Everton - Portsmouth 0-3
0-1 Defoe (12), 0-2 Johnson (40), 0-3 Defoe (69).

Hull - Wigan 0-5
0-1 Ricketts (iska dhaliyey 5), 0-2 Valencia (13), 0-3 Zaki (63), 0-4 Heskey (68), 0-5 Zaki (81).

Middlesbrough - Stoke 2-1
1-0 Alves (37), 1-1 Hoyte (iska dhaliyey 71), 2-1 Sanli (85).

West Ham - Blackburn 4-1
1-0 Davenport (12), 2-0 Samba (iska dhaliyey 20), 2-1 Roberts (22), 3-1 Bellamy (90), 4-1 Cole (90).

Kulamada Maanta

31.08.08 Chelsea vs Tottenham, Sunderland vs Manchester City Aston Villa vs Liverpool  

Asad A. Omar "afey"

deeyoo_edit@hotmail.com

 
 Halkan riix si aad deeyoo.com uga dhigato bogga hore