|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Chelsea iyo
Liverpool oo aan badin, Torres oo dhaawac daran soo gaaray 31.08.08, deeyoo.com Liverpool iyo Chelsea oo kulamadii ay maanta yeesheen ka hor ahaa kooxaha keliya ee wada badiyey kulamadii ay wada ciyaareen ayaa maanta ku guuldareystay iney sii wadaan guulahaas iyagoo bareejo 0-0 iyo 1-1 sida ay ukala horeeyaan la kala galay kooxaha Aston Villa iyo Tottenham. Liverpool ayaa heysatey fursad ay keli ku noqoto hogaanka horyaalka bacdamaa Chelsea oo ka hor ciyaartey bareejo gashay laakiin kama faa`iideysanin waxaase uga sii darnaa markii garoonka bareelle looga qaaday gooldhaliyahooda weyn Fernando Torres markii ay ciyaarta socotay nus saac iyadoo horena uu ugu maqnaa mishiinkooda qadka dhexe Gerrard oo dhowaan qaliin galay ugu yaraana labo todobaad aan garoomada lagu arki doonin. Lama oga sida uu qatar u yahay dhaawaca soo gaaray Torres iyo inta uu ka maqnaan doono garoomada wuxuuse u ekaa mid halis ah iyadoo guud ahaan ciyaartana ay aheyd mid caajis ah oo ay fursadaha ku yaraayeen inkastoo garsoorihii ciyaarta uu rigoore ka diiday Liverpool markii boortaha Aston Villa uu gudaha xerada ganaaxa ku jilaafay weeraryahanka cusub ee Liverpool Keane. Chelsea oo labadii kulan oo ay hore usoo ciyaareen soo badisay ayaa waxaa usoo martisey Tottenham oo labadii kulan ee hore laga soo wada badiyey iyadoo kulankii maanta Tottenham heshay dhibicdii ugu horeysey ee horyaalka. Chelsea waxaa goolka u dhaliyey Belletti iyadoo goolka Tottenham uu dhaliyey Darren Bent oo ka faa`iideystay qalad uu sameeyey Lampard. Tottenham oo sanad kasta qarash gareysa lacago farabadan ayaa hadana iska qaadi la`heeryada kooxaha waa weyn (BIG FOUR) ee Man.UNited, Chelsea, Arsenal iyo Liverpool iyagoo 65kii kulan ee ugu dambeeyey ee ay afartan koox la yeeshaan 2 ka mid ah uun badiyey. Chelsea ayaa dhankeeda weli sii kordhineysa iskoorka kooxda ugu badan kulamada isku xiga ee aan garoonkooda looga badinin iyagoo hada maraya kulankii84aad oo xiriir ah.
Asad A. Omar "afey" |
|
|||||||||||||||||||||||||||||||||||||||||||||
