|
David Beckham iyo xaaskiisa
Victoria oo ka badbaaday shil baabuur

Beckham oo joogo xafladii xeritaanka ee Olombiga
25.08.2008, deeyoo.com
Kabtankii hore ee xulka Ingiriiska Beckham iyo Victoria waxey
fasax ku joogeen magaalada Bargemon ee dalka Faransiiska
hase yeeshee xili ay kusoo socdeen garoonka diyaaradaha ee Nice
si ay ugu sii duulaan dalka Shiinaha oo ay kaga qeyb gelayeen
xafladii xeritaanka ciyaarihii Olombikada aduunka ayey galeen
shil baabuur oo aad qatar u ahaa.
Baabuurkii ay wateen ayaa derbi ku dhacay isla markaana afka
hore dhinaca hore ee rakaabka ayaa gebi ahaan burburay inkastoo
Beckham iyo xaaskiisa Victoria ay ka badbaadeen oo uusan wax
dhaawac ah soo gaarin.
Dad goobjoogayaal ah ayaa sheegay in shilka ka dib ay
Victoria aad u argagaxday oo ay ooyin iyo qeylo dhaan isku
dartay.
David Beckham ayaa ugu dambeyn wuxuu caawin ka helay sodogiis
Tony oo garoonka diyaaradaha usoo waday si uu uga gaaro
diyaaradii uu raaci lahaa isagoo xaaskiisa kaga soo tagay halkii
uu shilka ka dhacay.
Beckham wuxuu ka mid ahaa dadkii ka qeyb galay xafladii
xeritaanka isagoo xayeysiin usii sameynayey ciyaaraha Olombiga
aduunka ee 2012ka lagu qaban doono dalka Ingiriiska.
Asad A. Omar "afey"
deeyoo_edit@hotmail.com
|