|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Kabtan
Gerrard oo Liverpool u horseeday guul iyo hogaanka horyaalka iyo
natiijada kulamadii maanta 23.08.2008, deeyoo.com Kabtanka Liverpool Gerrard ayaa ka fijiyey kooxdiisa una suura geliyey iney 2-1 uga badiyaan kooxda Middlesbrough lana wareegaan hogaanka horyaalka Ingiriiska. Kooxda Middlesbrough ayaa u muuqatey iney badinayaan markii ciyaaryahanka reer Masar Mido darbo xoogan la helay shabaqa Liverpool hase yeeshee 4 daqiiqo ka hor dhamaadkii ciyaarta ayuu Jamie Carragher u dhaliyey Liverpool goolkii bareejada kana badbaadiyey in Middlesbrough ay garoonkooda kaga badiso markii ugu horeysey mudo 32 sano ah. Kabtan Gerrard ayaa goolkii guusha u dhaliyey Liverpool xili uu garsooraha afka ku hayey firimbigii dhamaadka natiijada ciyaartana ka dhigay 2-1 oo ay Liverpool guusha ku raacday. Arsenal ayaa guuldaradaii ugu horeysay sanadkan la kulantay markii ay kooxda Fulham kaga soo adkaatay 1-0, Tottenham oo lacago badan sanadkaan mar kale qarash gareysay ayaa guuldaro la kulantay markii ay Sunderland 1-2 kaga badisey, Sunderland waxaa goolasha u kala dhaliyey Kieran Richardson (55), iyo gooldhaliyahooda cusub Djibril Cissé (83). Newcastle waxey 1-0 ugu badisey Bolton halka kooxda sanadkan ku cusub horyaalka Ingiriiska ee Stoke ay 3-2 ugu naxsatey kooxda Aston Villa.
Asad A. Omar "afey"
|
|
|||||||||||||||||||||||||||||||||||||||||||||
