|
|
|
|||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||
|
Wararkii ugu
dambeeyey iyo suuqa kala iibsiga ciyaartoyda 14.08.2008, deeyoo.com Xidiga weyn ee reer Cameroon Samuel Eto`o ayaa kooxdiisa Barcelona lasii joogo doono iyadoo ay saf dheer usoo galeen kooxo waa weyn markii uu tababaraha cusub ee Barcelona Josep Guardiola ka dhawaajiyey in Eto`o, Ronaldinho iyo Decco aysan ka tirsaneen laacibiinta uu ku tashanayo Shirkiisii Jaraa`id ee ugu horeeyey. Ronaldinho wuxuu aaday Milan, Decco wuxuu aaday Chelsea waxaana la isweydiinayey halka uu aadi doono Etto`o hase yeeshee tababare Guardiola mowqifkiisii ayuu bedelay sida lagu qorey bogga nett-ka ee kooxda Barcelona. - Eto`o wuu nala sii joogayaa rabitaankeena iyo rabitaankiisa daraadeed ayuu yiri Guardiola ka yiri Shirkii Jaraa`id oee uu qabtey kulanka isreeb reebka Champions League ay kooxdiisa la leedahay Wisla Krakow. Tababaraha Arsenal Wenger ayaa sheegay in Henry uusan u imaan doonin Manchester Unted uuna lasii joogi doono kooxdiisa Barcelona. Wenger ayaa sheegay inuu hubo hadiiba uu Henry kusoo laabanayo dalka Ingiriiska inuu imaanayo Arsenal isagoo ciyaatoy ah ama tababare ah. Warkan ayaa soo baxay ka dib markii Manchester United xiriir kala sameysay arinta inkastoo Henry hore u sheegay in maalin uun uu kusoo laabanayo Ingiriiska laakiin halka uu imaanayo ay tahay Arsenal. Kooxda Roma ayaa miiska saartey 15 milyan oo Pound si ay u hesho laacibka Valencia Joaquin oo labo sano uun ka hor 25 milyan oo Pound lagaga soo gatay kooxda Real Betis. Joaquin wuxuu ka mid ahaa laacibiintii booska ka weysey qarankii Spain ee ku guuleystay qaramada Yurub ayaa dadaal ugu jiro sidii uu u caro gedisan lahaa si mar kale uu ugu soo laabto qaranka. Kooxda Roma ayaa baadi goob ugu jirta xidigii ay ku bedeli lahaayeen Amantino Mancini oo ay Inter ka gadeen hase yeeshee waxaa jira guux ah in Inter ay dhankooda rabaan iney lasoo wareegaan xidgan 27 jirka ah. Fredrik Ljungberg oo todobaadkii hore ay fasaxdey kooxdiisa Westham ayaa waxaa saf usoo galay kooxo Talyaani ah si ay ula wareegaan ruugcadaagan reer Sweden. Kooxda Lazio ayaa ku dhow iney hesho saxiixa Ljunberg hase yeeshee waxaa sidoo kale suuqa lasoo galay kooxaha Milan, Roma iyo Fiorentina. Ljunberg oo todobaadkan horaantiisa ay soo bexeen warar sheegaya inuu ciyaaraha ka fadhiisanayo ayaa waxaa si cad u beeniyey wakiilkiisa isagoo dhanka kalena diiday in Ljunberg u wareegayo horyaalka Mareykanka ee MLS. Naadiga Chelsea ayaan weli ka rajo dhigin iney Real Madrid kala soo wareegaan Robinho inkastoo hore qiime ay soo bandhigeen lagu diiday loona sheegay inuusan beec aheyn. Tababaraha cusub ee Chelsea Scolari ayaa ku cadaadinayo madaxda kooxda in Robinho ay soo xera geliyaan ka hor inta uusan xirmin suuqa kala iibsiga ciyaartoyda 31ka bishaan, hadii ay usuura gasho in Robinho lasoo wareegaan wuxuu noqonayaa xidigii 3aad ee Chelsea kusoo biira tan iyo markii uu leylinta kooxda la wareegay Scolari iyadoo ay hore kooxda ugu soo biireen Bosingwa iyo Deco.
Asad A. Omar "afey"
|
|
|||||||||||||||||||||||||||||||||||||||||||||
