|
|
|
||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||
|
Maxaa keenay in ay kaalmadu bartilmaameed u noqoto warbaahinta. Sadaqadu waa u muhiim qof kasta oo musilm ah, faa'iidada ay leedahayna lama soo koobi karo, waxaana kusoo arooray aayado iyo axaadiis fara badan. Haddaba anaga oo og kana dharagsan sida ay ku ansaxeyso amaba qofka muslimka ahi u helo ajar ayaa waxa aan xilliyadii ugu danbeeyay aragnay ama maqalnay kaalmooyin is daba joogo oo ay iska soo uruuriyaan dadka soomaaliyeed ee qurba jooga ah, waxa ayna inta badan kusoo qoraan bogagga laga akhristo wararka ee internetka, qaarna waxaa laga sii daayaa tv-yada halka qaarna laga sheego raadiyayaasha. Kaalmadu waa sadaqo oo ay diinteenu noo cadeysay nooca sadaqo ee ugu ajar badan taas oo ah, <gacantaada midig waxa aad ku bixineyso waa in ayna ogaan gacantaada bidix> oo loola jeedo in ay sadaqadu ahaato mid qarsoon oo ka daahirsan is muujin ama is tustus sida ay inta badan sameeyaan soomaalida xilligan. Maxay tahay faa'iidada ama ajrka uu qofku ka raadinayo sadaqo uu ku naadiyay meediyaha aduunka, isaga oo sheegaya inuu lacag siiyay qof maskiin ah uu u baahan, fikrad ahaan waa wax wanaagsan in wax la bixiyo nooca ay doonto ha ahaatee waayo ugu yaraan waxa ay wax u tareysaa qofka u baahan, laakiin hadiiba ujeedadu tahay in qofkaa la kaalmeeyo iyo in ajar laga helo labadaba waxaa haboon in ay sadaqadu noqoto mid qarsoon oo ay isla ogyihiin kaliya qofka bixinaya iyo qofka la siinayo. Waxa jirta in lacagaha la diro inta badan lagu hagaajiyo shakhsiyaad jooga gudaha iyo xawaaladlayaal, marka si loo hubiyo in ay gaartay meeshii loogu talagalay, waxaa dhacda mararka qaar in laga sameeyo qoraalo, sawiro ama laga duubo video. Laakiin iyada oo intaa la raacayo ayaa haddana laga maarmi karaa in lagu baahiyo warbaahinta. si ay meesha uga baxdo ereyo mudooyinkii ugu danbeeyay dhagaheena ku batay <hawenka magaalada ama dalka hebel oo kaalmo usoo diray qoys dhibaateysan, jaaliyadda soomaaliyeed ee dalka hebel oo lacag intaa la eg u diray dadka ku jirada xerada hebel, dhalinyaro dagan magaalada hebel oo lacag gaarsiiyay gabar soomaaliyeed oo la il daran cudurka hebel iyo waxyaabo badan oo noocaas ah>. Walaalayaal dadka caawiya gaar ahaan walaalihiin soomaaliyeed ee muslinka ah oo ay dhibaatadu la dagtay ha ahaato, cudur, gaajo, barakac. waana waajib na wada saaran dhamaanteen, laakiin fadlan ka daaya marqaatiga aad u yeeleysaan sadaqadiina, waa wax aan ku wanaagsaneyn nafteena iyo diinteena, wanaag aad ajir ku raadsaneyseen, yuu isku badalin danbi iyo is tus tus, iyo weliba tartan kaala dhexeeya dad kale, jaalid kale, qabiil kale, wax kasto oo aad sameyneysaana u sameeya sida naftiina oo kale iyo waliba adinka oo maraya waajibaadka ay sadaqo ku ansaxdo. Waxaan qormadeyda kusoo gabagabeynayaa kordhiya kaalmada aad dirtaan, waayo waxa ay 3 jibaar ka faa'iido badantahay tan ay bulshada caalamku ugu deeqdo dalkeena waayo waxa aad dirtaan waxa ay si toos ah u gaartaa dadka u baahan, halka ay xoolaha hay'adaha samafalku ku baxdo inta badan naftooda iyaga oo u isticmaala, mushahar, transport, iyo mararka qaar tumasho. Laakiin ka daaya xoolaha inta aad dirtaan hadana aad baafineysaan. Wabillahi towfiiq.
M,deeq
|
|
||||||||||||||||||||||||||||||||||||||||||||||||||||||||||||
|
deeyoo.com 2008 |
||||||||||||||||||||||||||||||||||||||||||||||||||||||||||||||
